AAS 24 (1932), p. 401
XIII
SEIUNCTO TERRITORIO EX DIOECESIBUS ALLAHABADENSI ET NAGPORENSI,
ERIGITUR APOSTOLICA PRAEFECTURA DE IUBBULPORE IN INDIA.
PIUS PP. XI
Ad futuram rei memoriam. — De Eomanorum Pontificum Decessorum
Nostrorum more institutoque ad evangelicam veritatem aptius propagandam,
data opportunitate, Pastorum numerum augemus. Quapropter
cum tam Allahabadensium Episcopus quam Nagporensium Episcopus a
Nobis petierint, ut e suis dioecesibus quaedam territorii partes separatae
et distractae, ad religionem inibi melius provehendam, in Missionem sui
iuris constituantur, votis huiusmodi concedendum censemus. Qua re, conlatis
consiliis cum venerabilibus fratribus Nostris Sanctae Romanae Ecclesiae
Cardinalibus, qui rebus Sacrae Congregationis de Propaganda Fide
praepositi sunt, omnibusque rei momentis attento seduloque studio perpensis,
a dioecesi Allahabadensi territorium seiungimus ac dismembramus,
quod constat e civilibus districtibus de Sangor et Damoh, nec non e
Statibus feudalibus intra fines civilium divisionum de Baghel Khand ac
de Bündel Khand exsistentibus; pariterque e dioecesi Nagporensi seiungimus
et dismembramus territorium quod constat e civilibus districtibus
de Iubbulpore, Mandla, Narsingpur atque e subdivisione civili (vulgo
Tahsil) de LaMnadon districtui de Seoni incorporata; quod vero territorium
nunc a duabus praedictis dioecesibus separatum, in novam erigimus
praefecturam apostolicam cui nomen facimus de Iubbulpore, eandemque
Madraspolitanae provinciae adscribimus. Hanc autem novam praefecturam
apostolicam de Iubbulpore in India Centrali, ad Nostrum et Sanctae
huius Sedis beneplacitum, curis Patrum abbatiae Bernensis in Hollandia
ex Ordine Praemonstratensi in Domino committimus. Contrariis non
obstantibus quibuslibet.
Haec statuimus, decernentes praesentes Litteras firmas, validas atque
efficaces semper exstare ac permanere; suosque plenos atque integros effectus
sortiri et obtinere; illisque ad quos spectant, sive spectare poterunt
nunc et in posterum plenissime suffragari; sicque rite iudicandum esse ac
definiendum, irritumque ex nunc et inane fieri, si quidquam secus super his
a quovis, auctoritate qualibet, scienter sive ignoranter contigerit attentari.
Datum Romae apud Sanctum Petrum, sub anulo Piscatoris, $ie xvni
mensis Iulii anno MDCCCCXXXII, Pontificatus Nostri undecimo.
E. CARD. PACELLI, a /Secretis Status.
SEIUNCTO TERRITORIO EX DIOECESIBUS ALLAHABADENSI ET NAGPORENSI,
ERIGITUR APOSTOLICA PRAEFECTURA DE IUBBULPORE IN INDIA.
PIUS PP. XI
Ad futuram rei memoriam. — De Eomanorum Pontificum Decessorum
Nostrorum more institutoque ad evangelicam veritatem aptius propagandam,
data opportunitate, Pastorum numerum augemus. Quapropter
cum tam Allahabadensium Episcopus quam Nagporensium Episcopus a
Nobis petierint, ut e suis dioecesibus quaedam territorii partes separatae
et distractae, ad religionem inibi melius provehendam, in Missionem sui
iuris constituantur, votis huiusmodi concedendum censemus. Qua re, conlatis
consiliis cum venerabilibus fratribus Nostris Sanctae Romanae Ecclesiae
Cardinalibus, qui rebus Sacrae Congregationis de Propaganda Fide
praepositi sunt, omnibusque rei momentis attento seduloque studio perpensis,
a dioecesi Allahabadensi territorium seiungimus ac dismembramus,
quod constat e civilibus districtibus de Sangor et Damoh, nec non e
Statibus feudalibus intra fines civilium divisionum de Baghel Khand ac
de Bündel Khand exsistentibus; pariterque e dioecesi Nagporensi seiungimus
et dismembramus territorium quod constat e civilibus districtibus
de Iubbulpore, Mandla, Narsingpur atque e subdivisione civili (vulgo
Tahsil) de LaMnadon districtui de Seoni incorporata; quod vero territorium
nunc a duabus praedictis dioecesibus separatum, in novam erigimus
praefecturam apostolicam cui nomen facimus de Iubbulpore, eandemque
Madraspolitanae provinciae adscribimus. Hanc autem novam praefecturam
apostolicam de Iubbulpore in India Centrali, ad Nostrum et Sanctae
huius Sedis beneplacitum, curis Patrum abbatiae Bernensis in Hollandia
ex Ordine Praemonstratensi in Domino committimus. Contrariis non
obstantibus quibuslibet.
Haec statuimus, decernentes praesentes Litteras firmas, validas atque
efficaces semper exstare ac permanere; suosque plenos atque integros effectus
sortiri et obtinere; illisque ad quos spectant, sive spectare poterunt
nunc et in posterum plenissime suffragari; sicque rite iudicandum esse ac
definiendum, irritumque ex nunc et inane fieri, si quidquam secus super his
a quovis, auctoritate qualibet, scienter sive ignoranter contigerit attentari.
Datum Romae apud Sanctum Petrum, sub anulo Piscatoris, $ie xvni
mensis Iulii anno MDCCCCXXXII, Pontificatus Nostri undecimo.
E. CARD. PACELLI, a /Secretis Status.