AAS 27 (1935), p. 398
IV
DE VERA PAZ
VICARIATUS APOSTOLICUS DE VERA PAZ ET PETEN SUPPRIMITUR, EX QUO
DIOECESIS DE VERA PAZ ERIGITUR.
PIUS EPISCOPUS
SERVUS SERVORUM DEI
AD PERPETUAM REI MEMORIAM
Quoties in regionibus, adhuc sollertis Missionalium curis concreditis,
tantum catholica religio, Deo auctore, susceperit incrementum, ut firmius
ac stabilius ecclesiasticum regimen ibi constituere opportunum
videatur, Apostolica Sedes, ad maius spirituale christifidelium bonum
assequendum, novas illic dioeceses erigendas curat.
Cum itaque venerabilis frater Aloisius Duröu, Archiepiscopus de
Guatimala et Administrator Apostolicus Vicariatus de Vera Paz et Peten
supplices huic Apostolicae Sedi porrexerit preces, ut idem Vicariatus in
dioecesim erigeretur, Nos, praehabito voto venerabilium fratrum Nostrorum
S. R. E. Cardinalium S. Congregationi de Propaganda Fide praepositorum,
oblatis precibus annuendum censuimus.
Quapropter, suppleto, quatenus opus sit, quorum intersit, vel eorum
qui sua interesse praesumant consensu, quem supra diximus vicariatum
apostolicum de Vera Paz et Peten suprema Nostra auctoritate supprimimus
atque eiusdem territorium, iisdem servatis limitibus, in novam
erigimus dioecesim ac erectam per praesentes Litteras declaramus; ipsam
vero de Vera Paz appellari volumus.
Huius dioecesis episcopalem sedem in urbe de Cobdn, quae hucusque
vicarii apostolici residentia erat, constituimus, eique propterea omnia
concedimus iura et honores ad episcopales civitates pertinentia. Episcopi
vero cathedram in paroeciali ecclesia Deo in honorem S. Dominici dicata,
in eadem urbe de Cobdn exstante, figimus; quam proinde ecclesiam ad
cathedralis gradum et dignitatem extollimus, eidemque eiusque pro tempore
episcopis omnia tribuimus honores, insignia, favores et privilegia,
quibus ceterae cathedrales ecclesiae earumque antistites iure communi
fruuntur; eosque iisdem adstringimus oneribus et obligationibus, quibus
ceterae cathedrales et earum Episcopi adstringuntur.
DE VERA PAZ
VICARIATUS APOSTOLICUS DE VERA PAZ ET PETEN SUPPRIMITUR, EX QUO
DIOECESIS DE VERA PAZ ERIGITUR.
PIUS EPISCOPUS
SERVUS SERVORUM DEI
AD PERPETUAM REI MEMORIAM
Quoties in regionibus, adhuc sollertis Missionalium curis concreditis,
tantum catholica religio, Deo auctore, susceperit incrementum, ut firmius
ac stabilius ecclesiasticum regimen ibi constituere opportunum
videatur, Apostolica Sedes, ad maius spirituale christifidelium bonum
assequendum, novas illic dioeceses erigendas curat.
Cum itaque venerabilis frater Aloisius Duröu, Archiepiscopus de
Guatimala et Administrator Apostolicus Vicariatus de Vera Paz et Peten
supplices huic Apostolicae Sedi porrexerit preces, ut idem Vicariatus in
dioecesim erigeretur, Nos, praehabito voto venerabilium fratrum Nostrorum
S. R. E. Cardinalium S. Congregationi de Propaganda Fide praepositorum,
oblatis precibus annuendum censuimus.
Quapropter, suppleto, quatenus opus sit, quorum intersit, vel eorum
qui sua interesse praesumant consensu, quem supra diximus vicariatum
apostolicum de Vera Paz et Peten suprema Nostra auctoritate supprimimus
atque eiusdem territorium, iisdem servatis limitibus, in novam
erigimus dioecesim ac erectam per praesentes Litteras declaramus; ipsam
vero de Vera Paz appellari volumus.
Huius dioecesis episcopalem sedem in urbe de Cobdn, quae hucusque
vicarii apostolici residentia erat, constituimus, eique propterea omnia
concedimus iura et honores ad episcopales civitates pertinentia. Episcopi
vero cathedram in paroeciali ecclesia Deo in honorem S. Dominici dicata,
in eadem urbe de Cobdn exstante, figimus; quam proinde ecclesiam ad
cathedralis gradum et dignitatem extollimus, eidemque eiusque pro tempore
episcopis omnia tribuimus honores, insignia, favores et privilegia,
quibus ceterae cathedrales ecclesiae earumque antistites iure communi
fruuntur; eosque iisdem adstringimus oneribus et obligationibus, quibus
ceterae cathedrales et earum Episcopi adstringuntur.