AAS 36 (1944), p. 222
ACTA TRIBUNALIUM
SACRA PAENITENTIARIA APOSTOLICA
(OFFICIUM DE INDULGENTIIS)
DECRETUM
PREX IACULATORIA INDULGENTIIS DITATUR
Ssmus D. N. Pius div. Prov. Pp. XII, in Audientia infra scripto Cardinali
Paenitentiario Maiori die 20 mensis maii vertentis anni concessa,
votis libenter obsecundans plurium sacerdotum, benigne largiri dignatus
est Indulgentias quae sequuntur : 1. partialem quingentarum dierum
lucrandam a christifidelibus omnibus, qui, in adversis huius vitae rebus
fidentem animum ad Deum erigentes, dominica verba « Fiat voluntas
tua!» pia mente ac saltem corde contrito recitaverint ; 2. plenariam,
suetis conditionibus, ab ipsis acquirendam, si quotidie per integrum mensem
eamdem recitationem devote persolverint. Praesenti in perpetuum
valituro absque ulla Apostolicarum Litterarum in forma brevi expeditione.
Contrariis quibuslibet minime obstantibus.
Datum Romae, ex aedibus S. Paenitentiariae Ap., die 10 Iulii 1944.
N. Card. CANALI, Paenitentiarius Maior
L. ÇB s.
S. Luzio, Regens.
SACRA PAENITENTIARIA APOSTOLICA
(OFFICIUM DE INDULGENTIIS)
DECRETUM
PREX IACULATORIA INDULGENTIIS DITATUR
Ssmus D. N. Pius div. Prov. Pp. XII, in Audientia infra scripto Cardinali
Paenitentiario Maiori die 20 mensis maii vertentis anni concessa,
votis libenter obsecundans plurium sacerdotum, benigne largiri dignatus
est Indulgentias quae sequuntur : 1. partialem quingentarum dierum
lucrandam a christifidelibus omnibus, qui, in adversis huius vitae rebus
fidentem animum ad Deum erigentes, dominica verba « Fiat voluntas
tua!» pia mente ac saltem corde contrito recitaverint ; 2. plenariam,
suetis conditionibus, ab ipsis acquirendam, si quotidie per integrum mensem
eamdem recitationem devote persolverint. Praesenti in perpetuum
valituro absque ulla Apostolicarum Litterarum in forma brevi expeditione.
Contrariis quibuslibet minime obstantibus.
Datum Romae, ex aedibus S. Paenitentiariae Ap., die 10 Iulii 1944.
N. Card. CANALI, Paenitentiarius Maior
L. ÇB s.
S. Luzio, Regens.