AAS 39 (1947), p. 383

CONSTITUTIONES APOSTOLICAE

I

PLATENSIS ET MERCEDENSIS
(S. NICOLAI DE LOS ARROYOS)

AB ARCHIDIOECESI PLATENSI ET A DIOECESI MERCEDENSI TERRITORII PARTES

SEIUNGUNTUR, ET NOVA EXINDE DIOECESIS S. NICOLAI DE LOS ARROYOS ERI-

GITUR, METROPOLITANAE ECCLESIAE BONAERENSI SUFFRAGANEA.

.PIUS EPISCOPUS

SERVUS SERVORUM DEI

AD PERPETUAM REI MEMORIAM

Maxime quidem iuvat quamlibet in catholico orbe Ecclesiam, territorii
amplitudine et fidelium frequentia nimium redundantem, in partes dividere
et novas dioeceses condere, aliorum Antistitum regimini et curae
concredendas. Quum itaque ab Apostolica Sede expostulatum sit ut
archidioecesis Platensis in Argentina Republica, quae latissimo territorio
patet, ad maius christifidelium bonum bifariam dividatur et nova
exinde dioecesis erigatur, Nos, habito favorabili voto venerabilium Fratrum
Ioannis Chimento, Archiepiscopi Platensis et Annuntiatio Serafini,
Episcopi Mercedensis, nec non suffragante venerabili Fratre Ioseph
Fietta, Archiepiscopo titulari Sardicensi et in Republica Argentina
Nuntio Apostolico, omnibus mature perpensis, oblatis Nobis precibus
annuendum censuimus. Suppleto igitur, quatenus opus sit, quorum intersit,
vel eorum qui sua interesse praesumant consensu, certa scientia et
apostolicae Nostrae potestatis plenitudine, a Platensi illa archidioecesi
territorium, finibus infra describendis circumscriptum, seiungimus, cui
parvum addimus territorium dioecesis Mercedensis, et novam exinde
dioecesim erigimus et constituimus, eamque S. Nicolai de Los Arroyos
nuncupandam decernimus. Novae autem .huius dioecesis territorium
tresdecim partidos amplectetur : undecim ex archidioecesi Platensi,
idest : Colón, Pergamino, San Nicolás de los Arroyos, Ramallo, Bdrtolomé
Mitre, San Pedro, Baradero, San Antonio de Areco, Exaltación dé
la Cruz, General Tlriburu, Campa : et duos e dioecesi Mercedensi, idest
Rojas et Marcelino U garte. Fines vero eiusdem dioecesis erunt: ad
septentrionem: dioecesis Rosariensis et flumen Paraná; ad orientem :
flumen Paraná ; ad occidentem : dioeceses Rosariensis et Mercedensis ;