AAS 8 (1916), p. 92
DE ERECTIONE NOVAE DIOECESIS « PORTUS NATIONALIS »
BENEDICTUS EPISCOPUS
SERVUS SERVORUM DEI
AD PERPETUAM REI MEMORIAM
Apostolatus officium Summo Pontifici divinitus commissum postulat
ut ea sedulo studio praestet quae in catholici nominis incrementum
exploratam que christianae plebis utilitatem cedunt. Porro cum Venerabili
* Frater Episcopus Goyasensis in Brasilia enixe postulaverit ut ad
maius bonum animarum nova dioecesis erigeretur per divisionem dioecesis
sibi commissae, quumque Nuntius Apostolicus in Republica Brasiliana
huiusmodi postulationem commendaverit, Nos oblatas preces
benigne excipiendas censuimus. Quapropter de consulto Venerabilium
Fratrum Nostrorum S. R. E. Cardinalium Sacrae Congregationis Consistorialis,
potestate utentes Romano Pontifici et Apostolicae Sedi reservata
in Apostolicis sub plumbo litteris', quarum initium est Ad universas
orbis Ecclesias, quinto kalendas maii anni Incarnationis Dominicae millesimi
octingentesimi nonagesimi secundi datis, libere novam ineundi
in Brasilia circumscriptionem dioecesum, quoties id in Domino expedire
visum fuerit, suppleto praeterea, quatenus opus sit, quorum intersit,
aut sua interesse praesumant consensu, Goyasensem dioecesim bifariam
dividendam atque ex septentrionali eius parte novam dioecesim constituendam
decernimus in eum qui sequitur modum.
Totum igitur territorium ad aquilonem dioecesis Goyasensis situm,
complectens quatuordecim sequentes paroecias: B. M. V. Gratiarum in
Porto Nacional, B. M. V. sine labe conceptae in Boa Vista de TocaHns,
S. Petri in Pedro Affonso, B. M. V. do Canno, Spiritus Sancti do
Peixe, S. Annae da Chapada, B. M. V. de Nativitade, S. Miguel e Almas,
S. José do Duro, Sanctae Mariae de Taguatinga, B. M. V. da Conceicâo,
S. Ioannis Baptistae della Palma, B. M. V. dos Remedios in Arrayas
et S. Antonii do Chapeo, Nos, ex plenitudine apostolicae potestatis, e
dioecesi Goyasensi distrahimus ac seiungimus atque in distinctam dioecesim
perpetuo erigimus erectamque declaramus Portus Nationalis denominandam.
BENEDICTUS EPISCOPUS
SERVUS SERVORUM DEI
AD PERPETUAM REI MEMORIAM
Apostolatus officium Summo Pontifici divinitus commissum postulat
ut ea sedulo studio praestet quae in catholici nominis incrementum
exploratam que christianae plebis utilitatem cedunt. Porro cum Venerabili
* Frater Episcopus Goyasensis in Brasilia enixe postulaverit ut ad
maius bonum animarum nova dioecesis erigeretur per divisionem dioecesis
sibi commissae, quumque Nuntius Apostolicus in Republica Brasiliana
huiusmodi postulationem commendaverit, Nos oblatas preces
benigne excipiendas censuimus. Quapropter de consulto Venerabilium
Fratrum Nostrorum S. R. E. Cardinalium Sacrae Congregationis Consistorialis,
potestate utentes Romano Pontifici et Apostolicae Sedi reservata
in Apostolicis sub plumbo litteris', quarum initium est Ad universas
orbis Ecclesias, quinto kalendas maii anni Incarnationis Dominicae millesimi
octingentesimi nonagesimi secundi datis, libere novam ineundi
in Brasilia circumscriptionem dioecesum, quoties id in Domino expedire
visum fuerit, suppleto praeterea, quatenus opus sit, quorum intersit,
aut sua interesse praesumant consensu, Goyasensem dioecesim bifariam
dividendam atque ex septentrionali eius parte novam dioecesim constituendam
decernimus in eum qui sequitur modum.
Totum igitur territorium ad aquilonem dioecesis Goyasensis situm,
complectens quatuordecim sequentes paroecias: B. M. V. Gratiarum in
Porto Nacional, B. M. V. sine labe conceptae in Boa Vista de TocaHns,
S. Petri in Pedro Affonso, B. M. V. do Canno, Spiritus Sancti do
Peixe, S. Annae da Chapada, B. M. V. de Nativitade, S. Miguel e Almas,
S. José do Duro, Sanctae Mariae de Taguatinga, B. M. V. da Conceicâo,
S. Ioannis Baptistae della Palma, B. M. V. dos Remedios in Arrayas
et S. Antonii do Chapeo, Nos, ex plenitudine apostolicae potestatis, e
dioecesi Goyasensi distrahimus ac seiungimus atque in distinctam dioecesim
perpetuo erigimus erectamque declaramus Portus Nationalis denominandam.