Can. 182

§ 1. Reiecta a Superiore postulatione, ius eligendi ad collegium redit, nisi electores scienter illum postulaverint qui tali detinetur impedimento in quo nequeat aut non soleat dispensari; tunc enim provisio ad Superiorem pertinet.

§ 2. Quod si postulatio admissa fuerit, id significetur postulato qui respondere debet ad normam can. 175.

§ 3. Si eam acceptet, plenum ius in officio eidem statim acquiritur.