Sinodo di Seligenstadt
Concilium Salegunstadiense · 1023 d.C. · Seligenstadt
Can. 17
Et illud sub anathemate praeceptum est, ut nullus presbyterorum cuiquam poenitenti carrinam dividere praesumat, si infirmitas non intervenerit.
Can. 18
Quia multi tanta mentis suae falluntur stultitia, ut in aliquo capitali crimine inculpati poenitentiam a sacerdotibus suis accipere nolint, in hoc maxime confisi, ut Romam euntibus apostolicus omnia sibi dimittat peccata: sancto visum est concilio, ut talis indulgentia illis non prosit, sed prius juxta modum delicti poenitentiam sibi datam a suis sacerdotibus adimpleant, et tunc Romam ire si velint, ab episcopo proprio licentiam, et literas ad apostolicum ex iisdem rebus deferendas accipiant.