Concilio di Tours

Can. 7 — Ut decani vel archipresbyteri ad causas ecclesiasticas terminandas ab episcopis non constituantur

Quoniam in quibusdam episcopatibus decani quidam vel archipresbyteri, ad agendas vices episcoporum seu archidiaconorum, et terminandas causas ecclesiasticas, constituuntur sub annuo pretio, quod ad sacerdotum gravamen, et subversionem judiciorum, non est dubium redundare: id ulterius fieri districtius prohibemus. Quod si facere praesumpserit quisquam, removeatur a clero. Episcopus quoque, qui hoc in sua dioecesi sustinuerit, et ecclesiastica judicia patitur sua dissimulatione perverti, canonica districtione plectatur.