Denz.-U. 1693
Atque etiam impie pronuntiant, auferendam esse civibus et Ecclesiae facultatem, «qua eleemosynas christianae caritatis causa palam erogare valeant», ac de medio tollendam legem, «qua certis aliquibus diebus opera servilia propter Dei cultum prohibentur», fallacissime praetexentes, commemoratam facultatem et legem optime publicae oeconomiae principiis obsistere. Neque contenti amovere religionem a publica societate volunt religionem ipsam a privatis etiam arcere familiis.