PL 138, col. 866

deus. omnibus locis. omnibusque temporibus. per
omnia momenta ueneremur. tibi supplices simus.
tibi deferamus praecis, te totis stodiis et effectibus
adoremus. deus qui ultra omnibus uirtutis.
ultra omnis es potestatis. deux uniuersorum
arbiter. judex secretorum. quem caeli et terra. quem
angeli || et archangeli. quem throni et dominationis.
quem cherubin. et serafin. incessabili uoce proclamant
dicentes. SS. SCS. SS.
[( contestatio. )] Dignum et iustum est. nos tibi gratias
agere domine deus per Xpm Jhm filium tuum. qui
cum deus esset aeternus. homo fieri pro nostra salute
dignatus est. O unice singulare. et multiplex saluatoris
nostri mysterium. nam unus idemque et deus
summus et homo perfectus, || et pontifex maximus.

et sacrificii sacratissimum. secundum diuinam potentiam
creauit omnia. secundum humanam conditionem
liberabit hominem. secundum uim sacrificii
expiauit conmaculatus. secundum jus sacerdocii
reconciliauit offensus. O unice redemptionis.
mysterium singulare. in quo uetusta illa uulnera.
nova domino medicina sanauit. et primi hominis
praeiudi- || cia. salutares nostri praeuiligia resciderunt
ille concupiscentiae exagitatus stimolis. hic
oboedientiae, confixus est clauis. ille ad arborem
manus incontinenter extendit. iste ad crucem pacienter
abtauit. ille uoluptate inlecitus gustus explebit.
iste cruciatu indebite dolores afflictus est.
ideo merito poena innocentiae facta est absolutio
debetores jure. etenim obnoxii demittuntur debita ||

quae pro eis ille qui nihil habebat absoluit. quod
singulare mystirium. non solum homines in terris.
uerum etiam. angeli uenerantur in caelis. cui
me.
[( post sanctus. )] Uere sanctus. uere benedictus dominus
noster Jhs Xps filius tuus. qui pridie.
[( post mysterium. )] Domini ac dei nostri sempeterni
gloriam depraecemur. orantis uti hoc sacrificium
tua benedictione. benedictas et sancti spiritus
tui rore perfundas. ut accipientibus uniuersis. legitima
sit eucharestia per Jhm Xpm filium tuum
deum ac dominum conseruatoremque nostrum. cui