PL 147, col. 1202

consilio tale responsionis elegi temperamentum
quod a veritatis tramite nullo erroris diverticulo
deviaret, et universalis Ecclesiae sublimioribus et
dignitate et eruditione personis, super hac re commotis
offensionis scandalum jure incutere minime
deberet, quod et simpliciores fide attingere inevitabiliter
oporteret, et eruditiores quosque fastu aliquo
transcendere non liceret. Quod quidem relictis turbulentis
disputationum rivulis de ipso veritatis fonte
sincerissima abundantia perfluenti, et singulari singularitate
salubri, et nobis ipsis necessarium ducimus
haurire, et omnibus quibus placeret nobiscum
proponere, quod est: Dominus Jesus pridie quam
pateretur, accipiens panem in sanctas ac venerabiles
manus suas, elevatis oculis in coelum, benedixit,
fregit, dedit discipulis, dicens: Accipite et manducate