PL 172, col. 1134

abjectio mandatorum Dei, ut dicitur: Male facere
sciunt; bene autem nunquam [(Matth. XXIII, 2)]
. Isti
quamvis sint inferiores, volunt videri superiores.
Ambiunt honores; appetunt magis praeesse, quam
subesse. Isti ad sacros ordines nullatenus sunt promovendi.
Inter caeteros semper habeantur verecundi,
et rejiciant poenitendo venenum, quo a patribus
sunt illecti, et resipiscant tali pudore caeteri sacerdotes.
Hi nisi resipuerint poenitendo secundum modum
culpae, arbor cum radice exterminabitur sine
fine, ut dicitur: Propterea Deus destruet te in finem,
id est, usque in finem, et evellet radicem tuam de
terra viventium [(Psal. LI, 7)]
.
33. Exitus vitae malorum sacerdotum; et an monendi, ac tolerandi.
D. Dic, quaeso, horum reproborum sacerdotum
et infidelium quis erit finis, vel cruciatus eorum?--
M. Ut legitur: Corrupti sunt, et abominabiles facti
sunt in operibus suis; ideo ad nihilum devenient tanquam
aqua decurrens. Ut oves, sic et pastores in inferno
positi erunt: mors depascet eos, quoniam Deus
sprevit eos [(Psal. XIII, 1; LVII, 8; XLVIII, 15)]
.
D. Debent malis verba Dei dici?--M. Si sciuntur,
non sunt eis dicenda, quia proditor est qui
eis, cum sint hostes, reserat Dei secreta; unde praecipitur: Nolite sanctum dare canibus, nec mittatis
porcis margaritas, ne conculcent et irrideant
[(Matth.
VII, 6)]
. Ubi autem nesciuntur, propter electos, qui
inter eos latent convertendi, sunt sermones Dei proferendi
eis; sicut et Dominus non cessavit Petro et

aliis salvandis verba salutis ministrare, quamvis
sciret Judam et pharisaeos inde scandalizando cruciari.
D. Debent tolerari mali, cum Christus Judam toleravit?
--M. Mali in Ecclesia sunt tolerandi, sed
non imitandi; quoadusque ille cum ventilabro veniat,
qui grana de paleis excutiat, et zizaniis igni
traditis triticum in horrea sua recondat.
D. Segreget te ab omni malo, et collocet te Deus,
magister bone, in coelesti gremio. Amen.
LIBER SECUNDUS.

fecit, subsistunt. Omnis vero substantia bona est;
sed malum non habet substantiam: ergo malum
nihil est. Quod autem malum dicitur, nihil aliud est
quam ubi non est bonum; sicut caecitas, ubi non
est visus; et tenebrae, ubi non est lux, cum caecitas
et tenebrae non sint substantiae. Nota haec tria. Creatura
reposita est in praedicamento substantiae.
Substantia est res omnium rerum, praedicamentorum
in esse suo considerata. Natura dicitur
omnis res in esse suo, praeter ea quae discordant
a prima constitutione secundum suas
habitationes. Voluntas autem seu natura quae discordat
a Creatore, non remanet natura sed perversitas
naturae, et haec talis dicitur peccatum. Factura