PL 80, col. 483

praecipuis festivitatibus et ab apostolica sede indictis
temporibus ad missarum solummodo solemnia, careat
illo honore, et, ut beatus papa Gregorius ad
Joannem Panormi episcopum ait, quia grave jugum,
atque vinculum cervicis, non pro ecclesiastica, sed
pro quadam saeculari dignitate defendat, permissa
qua abutitur careat dignitate, quia jure privilegium
meretur amittere qui audacter usurpat illicita.
EPIGRAMMA. De Apostolis in Christi ad coelos Ascensione obtupescentibus.
[(Bibl. Patr., Lugd., tom. XII.)]
Luce videt Christum Petrus quem nocte negavit;
Et cecinit Dominum pergere ad astra suum.
Territus Andreas orat: Miserere, Magister;
In regnum Patris collige discipulum.
Jacobus expavit hominem per nubila ferri;
Supponit scapulas, dat pia vota Deo.
Haeret ab aspectu tremulus per membra Joannes,
Et turbatus, adhuc sic stetit ut placeat.
Quin sequimur te, Christe! vocat sine voce Philippus:
Num projectus ego, liber et implicitus?
Bartholomaee, pedes Christi pendere tremiscis,
Et vis (si capias) tendere pace manus.
Thomas, ex toto nondum satiatus amore,
Se palpare putat vulnera, membra, latus.
Matthaeus, muto similis, per scripta locutus:
Nam timor invasit nota silere senem.
Jacobus Alphaei pallet, sine morte sepultus:
Dans comites oculos, reddere quod potuit.
Hic stupet attonitus Simon migrasse Tonantem,
Et fugit affectans fulgura velle pati.
Matthias portae coeli defixus inhaeret,
Omnia, cum Christo teste, abiisse putans.
Judas e cunctis corpus sine fronte levatus,
Conspicit occisum vivere in orbe Deum.
PRIVILEGIUM BOBIENSI COENOBIO DATUM.
[(Ughelli, Ital. Sac., t. IV.)]
Honorius episcopus, servus servorum Dei, fratri
Bertulfo abbati presbytero.
Si semper sunt concedenda quae piis desideriis
congruunt, quanto potissimum ea quae per cultus
praerogativam noscuntur non sunt omnia abneganda,

quae sunt in largitoribus non solum postulanda, sed
vi charitatis procul dubio exigenda. Petis nos igitur