AAS 1 (1909), p. 760
INDULGENTIAE ET PRIVILEGIUM ALTARIS CONCEDUNTUR INSTITUTIS RELIGIOSIS PARI-
SIENSI, VERSALIENSI ET TOLOSANO ANCILLARUM MARIAE.
PIUS PP. X
Ad futuram rei memoriam. — Benigne piis precibus annuentes, quas
Nobis dilecta b/Christo filia hodierna Superiorissa religiosarum Sororum,
quibus Ancillae Mariae nomen, exhibuit, de omnipotentis Dei misericordia
et SS. Petri et Pauli apostolorum eius auctoritate confisi, per praesentes
apostolicas litteras, omnibus et singulis religiosis Sororibus Instituti ipsius,
degentibus in piis domibus civitatum Parisiensis, Versaliensis et Tolo sanae,
nec non una cum ipsis in dictis domibus cohabitantibus mulieribus, si vere
poenitentes, et confessae ac S. Synaxi refectae, quotannis, festivitate Annuntiationis
B. M. V., die xi februarii mensis, ac die VIII Decembris, a primis
vesperis usque ad occasum solis, proprium respectivae domus sacellum
devote visitent, ibique pro christianorum principum concordia, haeresum
extirpatione, peccatorum conversione, ac sanctae matris Ecclesiae exaltatione
pias ad Deum preces effundant, quo ex iis die id agant, plenariam omnium
peccatorum suorum indulgentiam et remissionem, quam etiam animabus
christifidelium, quae Deo in caritate coniunctae ab hac vita migraverint,
per modum suffragii applicari possint, misericorditer in Domino concedimus
et largimur. Insuper volumus, apostolica similiter Nostra auctoritate,
praesentium tenore, ut in singulis oratoriis supradictamm dictae congregationis
piarum domorum, unicum altare, vel si plura exsistant, maius,
apostolico Missarum pro defunctis privilegio ita polleat, ut quandocumque
sacerdos aliquis saecularis, vel cuiuslibet Ordinis regularis, Missam pro
anima cuiuscumque ex praedictis Sororibus ibidem celebraverit, idem
Sacrum ei piandae animae, pro qua celebratum fuerit, perinde suffragetur
ac si foret ad privilegiatum altaré rite litatum. In contrarium facientibus
non obstantibus quibuscumque. Praesentibus ad septennium tantum valituris.
Volumus autem, ut praesentium litterarum transumptis, seu exemplis,
etiam impressis, manu alicuius notarii publici subscriptis, et sigillo personae
in ecclesiastica dignitate constitutae munitis, eadem prorsus fides
adhibeatur, quae adhiberetur ipsis praesentibus, si forent exhibitae vel
ostensae.
Datum Romae apud S. Petrum sub anulo Piscatoris, die xi Augusti
MCMIX, Pontificatus Nostri anno septimo.
I, ©S. R. CARD. MERRY DEL VAL, a secretis Status.
SIENSI, VERSALIENSI ET TOLOSANO ANCILLARUM MARIAE.
PIUS PP. X
Ad futuram rei memoriam. — Benigne piis precibus annuentes, quas
Nobis dilecta b/Christo filia hodierna Superiorissa religiosarum Sororum,
quibus Ancillae Mariae nomen, exhibuit, de omnipotentis Dei misericordia
et SS. Petri et Pauli apostolorum eius auctoritate confisi, per praesentes
apostolicas litteras, omnibus et singulis religiosis Sororibus Instituti ipsius,
degentibus in piis domibus civitatum Parisiensis, Versaliensis et Tolo sanae,
nec non una cum ipsis in dictis domibus cohabitantibus mulieribus, si vere
poenitentes, et confessae ac S. Synaxi refectae, quotannis, festivitate Annuntiationis
B. M. V., die xi februarii mensis, ac die VIII Decembris, a primis
vesperis usque ad occasum solis, proprium respectivae domus sacellum
devote visitent, ibique pro christianorum principum concordia, haeresum
extirpatione, peccatorum conversione, ac sanctae matris Ecclesiae exaltatione
pias ad Deum preces effundant, quo ex iis die id agant, plenariam omnium
peccatorum suorum indulgentiam et remissionem, quam etiam animabus
christifidelium, quae Deo in caritate coniunctae ab hac vita migraverint,
per modum suffragii applicari possint, misericorditer in Domino concedimus
et largimur. Insuper volumus, apostolica similiter Nostra auctoritate,
praesentium tenore, ut in singulis oratoriis supradictamm dictae congregationis
piarum domorum, unicum altare, vel si plura exsistant, maius,
apostolico Missarum pro defunctis privilegio ita polleat, ut quandocumque
sacerdos aliquis saecularis, vel cuiuslibet Ordinis regularis, Missam pro
anima cuiuscumque ex praedictis Sororibus ibidem celebraverit, idem
Sacrum ei piandae animae, pro qua celebratum fuerit, perinde suffragetur
ac si foret ad privilegiatum altaré rite litatum. In contrarium facientibus
non obstantibus quibuscumque. Praesentibus ad septennium tantum valituris.
Volumus autem, ut praesentium litterarum transumptis, seu exemplis,
etiam impressis, manu alicuius notarii publici subscriptis, et sigillo personae
in ecclesiastica dignitate constitutae munitis, eadem prorsus fides
adhibeatur, quae adhiberetur ipsis praesentibus, si forent exhibitae vel
ostensae.
Datum Romae apud S. Petrum sub anulo Piscatoris, die xi Augusti
MCMIX, Pontificatus Nostri anno septimo.
I, ©S. R. CARD. MERRY DEL VAL, a secretis Status.