AAS 18 (1926), p. 299
LITTERAE APOSTOLICAE
I "
E VICARIATU APOSTOLICO DE OUAGH ADOUGOÚ DISTRACTO TERRITORIO ERI-
GITUR PRAEFECTURA APOSTOLICA DE NAVRONGO.
PIUS PP. XI
Ad futuram rei memoriam. •— In hae Divi Petri Cathedra divinitus
collocati, sublimi tamquam e specula, in omnes christiani orbis partes
oculos mentis Nostrae convertimus, et quae rei sacrae procurationi melius
gerendae faciant, quae in exploratam cedant dominici gregis utilitatem,
ea, suprema Nostra auctoritate interposita, decernere maturamus. Iamvero
cum dilectus filius Paulus Voillard, Vicarius generalis Societatis Missionariorum
Africae, variis itemque gravibus de causis Nos flagitaverit
ut ex peramplo vicariatu apostolico de Ouaghadougou, in Africa septentrionali,
dictae Societatis Patribus commisso, pars quaedam territorii ad
missionem independentem efformandam distraheretur: Nos, omnibus rei
momentis attento ac sollicito studio perpensis cum VV. FF. NN. Sanctae
Romanae Ecclesiae Cardinalibus negotiis Propagandae Fidei praepositis,
de ipsorum Patrum consilio, ut in illis regionibus fides catholica magis
augeatur, supralaudati Vicarii generalis precibus annuendum existimavimus.
Quapropter motu proprio atque ex certa scientia et matura
deliberatione Nostris deque apostolicae Nostrae potestatis plenitudine,
praesentium tenore, e vicariatu apostolico de Ouaghadougou in Africa septentrionali
territorium vulgo de Media Valle nuncupatum separamus sive
dismembramus, atque inde novam apostolicam praefecturam nomine de
Navrongo erigimus, eiusdem Societatis Missionariorum Africae Patribus
committendam. Porro statuimus ut novae huius apostolicae praefecturae
territorium, tota solaque pars sit vicariatus de Ouaghadougou quae adiacet
territorio coloniae anglicaé Littoris Aurei (Gold Coast): ac proinde eius
limites sequentes sunto: 1) ad orientem, limes inter Littus aureum, et
Togo, seu circiter 2°45 ad occidentem Lutetiae Parisiorum; 2) ad meridiem,
nonus gradus latitudinis borealis, quo separatur a vicariatu Littoris
Aurei; 3) ad Occidentem, flumen Volta Nigra vulgo dictum, a quo separatur
a vicariatu Littoris Eburnei, quodque etiam dividit coloniam gallicam
Littoris Eburnei, a colonia anglica Littoris Aurei; 4) ad septentrionem,
limes, qui coloniam anglicam Littoris Aurei et coloniam gallicam Voltae
superioris separat.
I "
E VICARIATU APOSTOLICO DE OUAGH ADOUGOÚ DISTRACTO TERRITORIO ERI-
GITUR PRAEFECTURA APOSTOLICA DE NAVRONGO.
PIUS PP. XI
Ad futuram rei memoriam. •— In hae Divi Petri Cathedra divinitus
collocati, sublimi tamquam e specula, in omnes christiani orbis partes
oculos mentis Nostrae convertimus, et quae rei sacrae procurationi melius
gerendae faciant, quae in exploratam cedant dominici gregis utilitatem,
ea, suprema Nostra auctoritate interposita, decernere maturamus. Iamvero
cum dilectus filius Paulus Voillard, Vicarius generalis Societatis Missionariorum
Africae, variis itemque gravibus de causis Nos flagitaverit
ut ex peramplo vicariatu apostolico de Ouaghadougou, in Africa septentrionali,
dictae Societatis Patribus commisso, pars quaedam territorii ad
missionem independentem efformandam distraheretur: Nos, omnibus rei
momentis attento ac sollicito studio perpensis cum VV. FF. NN. Sanctae
Romanae Ecclesiae Cardinalibus negotiis Propagandae Fidei praepositis,
de ipsorum Patrum consilio, ut in illis regionibus fides catholica magis
augeatur, supralaudati Vicarii generalis precibus annuendum existimavimus.
Quapropter motu proprio atque ex certa scientia et matura
deliberatione Nostris deque apostolicae Nostrae potestatis plenitudine,
praesentium tenore, e vicariatu apostolico de Ouaghadougou in Africa septentrionali
territorium vulgo de Media Valle nuncupatum separamus sive
dismembramus, atque inde novam apostolicam praefecturam nomine de
Navrongo erigimus, eiusdem Societatis Missionariorum Africae Patribus
committendam. Porro statuimus ut novae huius apostolicae praefecturae
territorium, tota solaque pars sit vicariatus de Ouaghadougou quae adiacet
territorio coloniae anglicaé Littoris Aurei (Gold Coast): ac proinde eius
limites sequentes sunto: 1) ad orientem, limes inter Littus aureum, et
Togo, seu circiter 2°45 ad occidentem Lutetiae Parisiorum; 2) ad meridiem,
nonus gradus latitudinis borealis, quo separatur a vicariatu Littoris
Aurei; 3) ad Occidentem, flumen Volta Nigra vulgo dictum, a quo separatur
a vicariatu Littoris Eburnei, quodque etiam dividit coloniam gallicam
Littoris Eburnei, a colonia anglica Littoris Aurei; 4) ad septentrionem,
limes, qui coloniam anglicam Littoris Aurei et coloniam gallicam Voltae
superioris separat.