AAS 42 (1950), p. 26
ARTICULUS V
De tribunali delegato
Can. 92
Delegati iudices servare debent regulas statutas in can. 5-il, 13.
Can. 93
§ 1. Iudex a Sede Apostolica delegatus uti potest ministris constitutis
in curia eparchiae in qua iudicare debet; sed potest etiam alios
cuiusvis eparchiae et ritus quos maluerit eligere et assumere, nisi in delegationis
rescripto aliud cautum sit.
§ 2. Iudex a Patriarcha delegatus, nisi aliter ferat delegationis rescriptum,
uti potest ministris intra territorium mandantis degentibus.
§ 3. Iudices vero ab Hierarchis locorum delegati uti debent ministris
curiae eparchialis vel aliis ab Hierarcha loci probatis, nisi loci Hierarcha
in aliquo peculiari casu ob gravem causam proprios et extraordinarios
ministros constituendos decreverit.
CAPUT IV
De modis evitandi iudicia
ARTICULUS I
De transactione
Can. 9-1
§ 1. Cum valde optandum sit ut lites inter fideles evitentur, proposita
aliqua controversia quae privatum eorum bonum respiciat, iudex
partes exhortetur ut per transactionem, si qua concordiae spes affulgeat,
lis componatur.
§ 2. Huic officio iudex satisfacere poterit sive antequam partes in iudicium
vocentur, sive cum primum iudicio steterint, sive denique quocumque
tempore et efficacius et opportunius id tentari posse existimaverit.
§ 3. Convenit tamen dignitati iudicantis ut hoc negotium non ipse
per se, regulariter saltem, suscipiat tractandum, sed ut illud alicui presbytero,
praesertim ex iudicibus eparchialibus, committat.
Can. 95
In transactione serventur normae statutae a legibus civilibus loci
in quo transactio initur, nisi iuri divino vel canonico adversentur et
salvo praescripto canonum qui sequuntur.
De tribunali delegato
Can. 92
Delegati iudices servare debent regulas statutas in can. 5-il, 13.
Can. 93
§ 1. Iudex a Sede Apostolica delegatus uti potest ministris constitutis
in curia eparchiae in qua iudicare debet; sed potest etiam alios
cuiusvis eparchiae et ritus quos maluerit eligere et assumere, nisi in delegationis
rescripto aliud cautum sit.
§ 2. Iudex a Patriarcha delegatus, nisi aliter ferat delegationis rescriptum,
uti potest ministris intra territorium mandantis degentibus.
§ 3. Iudices vero ab Hierarchis locorum delegati uti debent ministris
curiae eparchialis vel aliis ab Hierarcha loci probatis, nisi loci Hierarcha
in aliquo peculiari casu ob gravem causam proprios et extraordinarios
ministros constituendos decreverit.
CAPUT IV
De modis evitandi iudicia
ARTICULUS I
De transactione
Can. 9-1
§ 1. Cum valde optandum sit ut lites inter fideles evitentur, proposita
aliqua controversia quae privatum eorum bonum respiciat, iudex
partes exhortetur ut per transactionem, si qua concordiae spes affulgeat,
lis componatur.
§ 2. Huic officio iudex satisfacere poterit sive antequam partes in iudicium
vocentur, sive cum primum iudicio steterint, sive denique quocumque
tempore et efficacius et opportunius id tentari posse existimaverit.
§ 3. Convenit tamen dignitati iudicantis ut hoc negotium non ipse
per se, regulariter saltem, suscipiat tractandum, sed ut illud alicui presbytero,
praesertim ex iudicibus eparchialibus, committat.
Can. 95
In transactione serventur normae statutae a legibus civilibus loci
in quo transactio initur, nisi iuri divino vel canonico adversentur et
salvo praescripto canonum qui sequuntur.