Concilio di Ippona

Can. 1

Ut lectores populum non salutent. Et ut ante viginti quinque aetatis annos nec clerici ordinentur nec virgines consecrentur. Ut primum scripturis divinis instructi vel ab infantia eruditi propter fidei professionem et assertionem clerici promoveantur.

Can. 2

Ut clerici instructi promoveantur.

Can. 3

Ut sacramentum catechumenis non detur.

Can. 4

Corporibus defunctorum eucharistia non detur.

Can. 5

Ut per singulos annos concilium convocetur.

Can. 6

Si episcopus accusatus fuerit ad primatem provinciae causam suam referat.

Can. 7

Episcopus, qui accusatus fuerit, si ad concilium anniversarium non venerit, sententia damnationis judicetur.

Can. 8

Si presbyter fuerit accusatus, cum quinque collegis ex vicinis episcopus causam suam audiat, si [diaconus], cum duobus.

Can. 9

Si episcopo aut clerico fuerit crimen institutum.

Can. 10

Ut judices ecclesiastici ad alios judices causam non provocent.

Can. 11

Ut filii clericorum spectacula non exhibeant.

Can. 12

[Ut filii clericorum gentilibus vel] haereticis non conjungantur.

Can. 13

Ut [episcopi] et clerici non ejiciant filios suos.

Can. 14

Ut episcopi et clerici nihil conferant rerum suarum nisi catholicis.

Can. 15

Episcopus, presbyter aut diaconus non sint conductores.

Can. 16

Ut clericus cum extraneis feminis non habitet.

Can. 17

De sacris gradibus.

Can. 18

De lectoribus.

Can. 19

Ut clericum alienum nemo retineat.

Can. 20

Ut antequam probatus sit non ordinetur.

Can. 21

Ut in precibus nec filius pro patre nec pater pro filio nominetur.

Can. 22

Ut nullus clericus amplius accipiat quam dedit.

Can. 23

In sacramentis aliud non offeratur quam panis et vinum aqua mixtum.

Can. 24

Ne episcopi, presbyteri aut clerici ad viduas vel ad virgines soli accedant.

Can. 25

Primae sedis episcopus princeps sacerdotum non appelletur.

Can. 26

In taberna nec manducent nec bibant clerici.

Can. 27

Ut episcopus trans mare non proficiscatur.

Can. 28

Ut a jejunis altaris sacramenta celebrentur.

Can. 29

Ut in ecclesia neque episcopus neque clerici conviventur.

Can. 30

Ut presbyter inconsulto episcopo non reconciliet poenitentem.

Can. 31

Ut virgines a gravioribus feminis [custodiantur].

Can. 32

Ut aegrotantes baptizentur.

Can. 33

Ut reversis reconciliatio [non] negetur.

Can. 34

Ut presbyter chrisma non conficiat.

Can. 35

In aliena civitate clerici non morentur.

Can. 36

Hae sunt scripturae canonicae, quae in ecclesia leguntur: praeter id aliud non legatur.

Can. 37

Placuit etiam ut quoniam praecedentibus conciliis statutum est, ne quis Donatistarum cum honore suo recipiatur a nobis, sed in numero laicorum propter salutem quae nulli deneganda est (tantum autem inopiae clericorum ordinandorum in Africa patiuntur ecclesiae, ut quaedam loca omnino deserta sint) servetur quidem in istis, quod jam antea decretum est, sed exceptis his, quos aut non rebaptizasse constiterit, aut qui cum suis plebibus ad communionem catholicam transire voluerint. Si enim scriptum est: Quod duobus, si convenerint, Christianis, quicquid petierint impetrabunt, non oportet dubitare, quod remoto scandalo dissensionis universae plebis in unitatem pacis redacta concordia, idonea sit impetrare de misericordia domini, ut ipsius pacis compensatione et sacrificio caritatis aboleantur peccata, quae majorum suorum auctoritatem sequentes repetitione baptismi commiserunt. Sed hanc rem placuit non confirmari, priusquam exinde transmarina ecclesia consulatur.

Can. 38

Ut episcopus minus quam a tribus episcopis non ordinetur.

Can. 39

Item placuit de infantibus, quoties certissimi testes non inveniuntur, qui eos baptizatos esse sine dubitatione testentur, neque ipsi sunt idonei per aetatem de traditis sibi sacramentis respondere, absque ullo scrupulo hos esse baptizandos, ne ista trepidatio eos faciat sacramentorum purgatione privari. Hinc enim legati Maurorum fratres nostri consuluerunt, quia multos tales a barbaris redimunt.