Council of Hippo (Breviarium Hipponense)

Canon 1

Ut lectores populum non salutent. Et ut ante viginti quinque aetatis annos nec clerici ordinentur nec virgines consecrentur. Ut primum scripturis divinis instructi vel ab infantia eruditi propter fidei professionem et assertionem clerici promoveantur.

Canon 2

Ut clerici instructi promoveantur.

Canon 3

Ut sacramentum catechumenis non detur.

Canon 4

Corporibus defunctorum eucharistia non detur.

Canon 5

Ut per singulos annos concilium convocetur.

Canon 6

Si episcopus accusatus fuerit ad primatem provinciae causam suam referat.

Canon 7

Episcopus, qui accusatus fuerit, si ad concilium anniversarium non venerit, sententia damnationis judicetur.

Canon 8

Si presbyter fuerit accusatus, cum quinque collegis ex vicinis episcopus causam suam audiat, si [diaconus], cum duobus.

Canon 9

Si episcopo aut clerico fuerit crimen institutum.

Canon 10

Ut judices ecclesiastici ad alios judices causam non provocent.

Canon 11

Ut filii clericorum spectacula non exhibeant.

Canon 12

[Ut filii clericorum gentilibus vel] haereticis non conjungantur.

Canon 13

Ut [episcopi] et clerici non ejiciant filios suos.

Canon 14

Ut episcopi et clerici nihil conferant rerum suarum nisi catholicis.

Canon 15

Episcopus, presbyter aut diaconus non sint conductores.

Canon 16

Ut clericus cum extraneis feminis non habitet.

Canon 17

De sacris gradibus.

Canon 18

De lectoribus.

Canon 19

Ut clericum alienum nemo retineat.

Canon 20

Ut antequam probatus sit non ordinetur.

Canon 21

Ut in precibus nec filius pro patre nec pater pro filio nominetur.

Canon 22

Ut nullus clericus amplius accipiat quam dedit.

Canon 23

In sacramentis aliud non offeratur quam panis et vinum aqua mixtum.

Canon 24

Ne episcopi, presbyteri aut clerici ad viduas vel ad virgines soli accedant.

Canon 25

Primae sedis episcopus princeps sacerdotum non appelletur.

Canon 26

In taberna nec manducent nec bibant clerici.

Canon 27

Ut episcopus trans mare non proficiscatur.

Canon 28

Ut a jejunis altaris sacramenta celebrentur.

Canon 29

Ut in ecclesia neque episcopus neque clerici conviventur.

Canon 30

Ut presbyter inconsulto episcopo non reconciliet poenitentem.

Canon 31

Ut virgines a gravioribus feminis [custodiantur].

Canon 32

Ut aegrotantes baptizentur.

Canon 33

Ut reversis reconciliatio [non] negetur.

Canon 34

Ut presbyter chrisma non conficiat.

Canon 35

In aliena civitate clerici non morentur.

Canon 36

Hae sunt scripturae canonicae, quae in ecclesia leguntur: praeter id aliud non legatur.

Canon 37

Placuit etiam ut quoniam praecedentibus conciliis statutum est, ne quis Donatistarum cum honore suo recipiatur a nobis, sed in numero laicorum propter salutem quae nulli deneganda est (tantum autem inopiae clericorum ordinandorum in Africa patiuntur ecclesiae, ut quaedam loca omnino deserta sint) servetur quidem in istis, quod jam antea decretum est, sed exceptis his, quos aut non rebaptizasse constiterit, aut qui cum suis plebibus ad communionem catholicam transire voluerint. Si enim scriptum est: Quod duobus, si convenerint, Christianis, quicquid petierint impetrabunt, non oportet dubitare, quod remoto scandalo dissensionis universae plebis in unitatem pacis redacta concordia, idonea sit impetrare de misericordia domini, ut ipsius pacis compensatione et sacrificio caritatis aboleantur peccata, quae majorum suorum auctoritatem sequentes repetitione baptismi commiserunt. Sed hanc rem placuit non confirmari, priusquam exinde transmarina ecclesia consulatur.

Canon 38

Ut episcopus minus quam a tribus episcopis non ordinetur.

Canon 39

Item placuit de infantibus, quoties certissimi testes non inveniuntur, qui eos baptizatos esse sine dubitatione testentur, neque ipsi sunt idonei per aetatem de traditis sibi sacramentis respondere, absque ullo scrupulo hos esse baptizandos, ne ista trepidatio eos faciat sacramentorum purgatione privari. Hinc enim legati Maurorum fratres nostri consuluerunt, quia multos tales a barbaris redimunt.