Concilio Romano dell'898
Concilium Romanum (sub Joanne IX) · 898 d.C. · Rome
Can. 8
Sergium, Benedictum, atque Marinum, dudum presbyteros sanctae Romanae ecclesiae seu Leonem, Paschalem, et Joannem, dudum diaconos sanctae sedis apostolicae juste, et canonice damnatos, et a gremio sanctae Dei ecclesiae sequestratos, si aliquis homo, sacratissimis auctoritatibus fractis, illos inter ecclesiasticos viros, nobis inconsultis, habere voluerit, aut in ipsos gradus, quibus canonica auctoritate privati sunt, reducere quoquomodo aliquando maluerit, sive eos sacerdotes vocare, aut habere tentaverit, sciat se fore anathemate percussum a Patre, Filio, sanctoque Spiritu, tanquam qui sanctorum canonum violator extiterit.