PL 106, col. 57

veniunt, per sacerdotem explorantur si ex toto
abrenuntiare velint, ut jam pridem fuerunt admoniti.
Cumque more solito abrenuntiaverint, iterum
de fide symboli sciscitantur, et cum per ordinem
omnia recte responderint, juxta integritatem illius
se symboli credere, sic in nomine sanctae Trinitatis
trina submersione baptizantur. Et recte homo
qui ad imaginem sanctae Trinitatis conditus est, per
invocationem iterum sanctae Trinitatis ad eamdem
renovatur imaginem; et qui tertio gradu peccati,
id est, consensu, cecidit in mortem, tertio elevatus
de fonte per gratiam resurgat ad vitam.
VIII.
Tunc albis induuntur vestimentis propter
gaudium regenerationis, ad praefigurationem vitae
angelicae, ut ejusdem splendore decorentur. Candor

etenim vestium gaudium commorantium in illa coelesti
Jerusalem mystice praefiguratur, sicut Isaiae
vaticinio perhibetur: Illic enim commorantur, ait, millia laetantium.
Ad aeternam enim beatitudinem

Notum est vobis, fratres charissimi, et frequenti
sancti Evangelii lectione compertum, quod Deus omnipotens
pro salute humani generis Filium suum