PL 147, col. 348

Chounradus Nemetensis episcopus moritur, in
cujus locum Einhardus Augustensis praepositus
promovetur. Mahthilt soror regis obiit [V].
Heinricus Palatinus comes in amentiam versus,
cum sub specie religionis quasi seculum derelinquens,
in monasterium Epftirnacha se contulisset,
inde abstractus, conjugem suam occidit.
Et hoc anno, sicut in priori, mortalitas multos
extinxit. Hyems satis dura et nivosa, et plus
solito prolixa, frumenti vinique maximum attulit
damnum.
Codices 1*, 2.
In Ungaria quidam Belo
fratrem suum Andream
regem jam grandaevum

regno expulit, et usque
ad mortem perduxit. Hic
Andreas a fratre nimis
injuriatus, tandem febre
pulsatus omnes thesauros
suos in castrum Medelekka,
nec non et filium
suum Heinrico regi
per Tietpaldum comitem
transmisit.
Codex 3.

Andreas rex Pannoniarum,
cum a fratre suo
regnum sibi circunquaque

vastante multas injurias
perpessus fuisset,
tandem febre pulsatus
omnes thesauros suos in
castrum Medilhecka,
nec non et filium suum
Heinrico regi per Tiedbaldum
comitem transmisit.
MLXI.
[VI.] Magna fames multos consumpsit. Gebehardus
Ratisponensis episcopus obiit, cui
Otto successit.
Chounradus, qui Carantanis solo nomine ducis

praefuit, moriens locum dedit; cujus ducatum
Berhtoldus comes Suevigena accepit.
Romae Nicolao papa defuncto, Romani coronam
et alia munera Heinrico regi transmiserunt, eumque