PL 147, col. 349

pro eligendo summo pontifice interpellaverunt.
Qui ad se convocatis omnibus Italiae episcopis, generalique
conventu Basileae habito, eadem imposita
corona patritius Romanorum appellatus est. Deinde
cum communi consilio omnium Parmensem episcopum,
multis praemiis quibusdam, ut aiunt, datis,
Symoniace summum Romanae Ecclesiae elegit pontificem.
Interim dum haec aguntur, Anshelmus episcopus
de Luca, quibusdam Romanis faventibus,
apostolicam sedem sibi usurpavit.
Burchardus et Wezil de Zolorin occiduntur.
Ecclesia Nemetensis dedicatur.
MLXII.
His temporibus Agna imperatrix, depositis regalibus
vestimentis sacro velamine circundata,

sese Christo dedicavit, in oppidum Fructuariam
se contulit. 6. Idus Februarii terraemotus,
fulgura et tonitrua facta sunt. Pestilentia et mortalitas
subsecuta, multos extinxit. Heinricus rex
apud Trajectum, Frisiae urbem, diem Paschae
cum matre imperatrice egit.
Hiis diebus Anno Agrippinae Coloniae archiepiscopus,
annitentibus quibusdam regni principibus,
Heinricum regem cum lancea et aliis imperii
insignibus a matre imperatrice vi arripuit, secumque
Coloniam adduxit.
Parmensis episcopus, dudum electus, Romam
consecrandus adiit; cui cum Romani armati occurrerent
ingressumque prohiberent, multitudo illorum
a militibus ejus et occiduntur et in Tiberi submerguntur,

caeteri fugantur.
( Codd. 1. 2. [anno 1061.] Parmensis vero collecta
undecumque grandi militia, vi destinavit kathedram
invadere, et ad urbem Romam sic perveniens,
non permissus est a Romanis intrare; unde
magna caedes ibidem peracta est. Et sic non sine
victoria cruenta multis Romanis interfectis ad Parmam
suam tristis regressus est, solo nomine apostolico