PL 149, col. 425

Galterius Petro Devotensis Ecclesiae subdiacono,
et fratri ejus Bernardo, in omnibus prosperitatem,
et ad effectum perducere bonam devotionem. Cogitis
me, dum impensius instantes rogatis, ut ad
aedificationem posterorum tradam memoriae calamo
Vitam beati Anastasii confessoris. Et a me sine difficultate
non video posse sufferri, nec meis viribus
competit ne vita sancti viri culpa ingenii scriptoris
potius videatur atteri quam in majus celebrari. Ne
tamen vestrae petitioni videar contraire, cui, etsi
parum idoneus, debeo in omnibus obtemperare,
quod dissuadet aviditas ingenii, aggrediar tutus
praesidio vestrae jussionis; etenim si quid sum, si
quid valeo, Domino imputare debeo. Praeterea cum

me profitear amicum vestrum, non decet ut omittam,
si in aliquo vobis quovis modo obsequi possum;
cum, ut quidam sapiens ait: Amicitia tantum