PL 168, col. 980
Commentarius in Job (Rupertus Tuitiensis), J. P. Migne
morte carnis tandem ad aeternae patriae ductus requiem.
« Requiescerem, inquam, cum regibus, » id
est cum summis angelicae potestatis dignitatibus.
Qui bene reges dicuntur, juxta illud: Princeps
Persarum restitit mihi [(Dan. X)] , « et consulibus terrae, »
videlicet cum eisdem spiritibus. Qui adeo bene
consules vocantur, quia nos in ipsis voluntatem
Conditoris nuntiantibus consultum ab angustia nostrae
tribulationis invenimus. Vel ita: « Cum regibus, »
id est cum venturis Ecclesiae Christi rectoribus,
quia videlicet quo nunc post passionem
Christi homo Redemptus ascendit, illuc profecto si
non peccasset, etiam sine redemptione pertingeret,
Qui praedicatores bene reges et consules terrae vocantur:
reges, quia semetipsos regunt; consules,
quia peccatoribus exstinctis, vitae consultum praebent.
VERS. 15.-- « Qui aedificant sibi, » scilicet fugiendo
curarum saecularium frequentiam, « solitudinem, »
id est vitam tranquillam. « Qui » hoc modo
« possident aurum, » id est sapienter vivunt, sapientiam
vocavit aurum de qua Salomon: « Thesaurus,
inquit, desiderabilis et oleum in habitaculo justi,
requiescit in ore sapientis [(Prov. XXI)] . »
VERS. 16.-- « Et replent domos suas, » id est
ornant conscientias suas, « argento, » id est eloquiis
divinis. Nam « eloquia Domini eloquia casta, argentum
igne examinatum [(Psal. XI)] . » Cum talibus,
inquam, requiescerem. « Aut sicut abortivum absconditum, »
id est sicut electi, qui ante tempus redemptionis,
imo ante legem datam exorti, tamen
seipsos mortificare naturali lege curaverunt, et ideo
dicuntur abortivum, et quasi praeter paucos, de
quibus Moses scripsit: « Occultata est nobis multitudo
illorum, » ideo cum dixisset « abortivum » addidit,
« absconditum. » -- « Sicut abortivum, » inquam,
« vel sicut qui concepti, » scilicet, per admonitionem
acceptae legis, « non viderunt lucem, » id est non
pervenerunt ad Christi Incarnationem. De quibus
ipse: « Multi, inquit, prophetae et justi cupierunt,
desideraverunt videre quae vos videtis et non viderunt [(Luc. X)] .
»
VERS. 17.-- « Ibi, » id est in hac luce, quae electorum
omnium locus est, « impii, » scilicet gentiles
populi, « cessaverunt a tumultu, » id est requiem
suis invenerunt animabus, videlicet in adventu
ejus conversi quem diu praestolati sunt patres
in lege positi, « et ibi 435 requieverunt, » videlicet,
quia suave jugum ejus super se tulerunt, « fessi robore, »
id est deficientes ab illa qua in terrenis
fortes erant, inutili fortitudine.
VERS. 18.-- « Fessi, » inquam, salubri defectione,
« et quondam vincti, » id est, qui antequam ad illam
lucem pervenirent, fuerant vincti, videlicet, molestia
suae corruptionis, pariter, subaudi requieverunt,
« sine molestia, » scilicet corruptelae animam
aggravantis. Quare? Propter hoc quod sequitur:
« Non exaudierunt vocem exactoris, » id est, tentati
in praesenti vita, audierunt quidem vocem exactoris,
« Requiescerem, inquam, cum regibus, » id
est cum summis angelicae potestatis dignitatibus.
Qui bene reges dicuntur, juxta illud: Princeps
Persarum restitit mihi [(Dan. X)] , « et consulibus terrae, »
videlicet cum eisdem spiritibus. Qui adeo bene
consules vocantur, quia nos in ipsis voluntatem
Conditoris nuntiantibus consultum ab angustia nostrae
tribulationis invenimus. Vel ita: « Cum regibus, »
id est cum venturis Ecclesiae Christi rectoribus,
quia videlicet quo nunc post passionem
Christi homo Redemptus ascendit, illuc profecto si
non peccasset, etiam sine redemptione pertingeret,
Qui praedicatores bene reges et consules terrae vocantur:
reges, quia semetipsos regunt; consules,
quia peccatoribus exstinctis, vitae consultum praebent.
VERS. 15.-- « Qui aedificant sibi, » scilicet fugiendo
curarum saecularium frequentiam, « solitudinem, »
id est vitam tranquillam. « Qui » hoc modo
« possident aurum, » id est sapienter vivunt, sapientiam
vocavit aurum de qua Salomon: « Thesaurus,
inquit, desiderabilis et oleum in habitaculo justi,
requiescit in ore sapientis [(Prov. XXI)] . »
VERS. 16.-- « Et replent domos suas, » id est
ornant conscientias suas, « argento, » id est eloquiis
divinis. Nam « eloquia Domini eloquia casta, argentum
igne examinatum [(Psal. XI)] . » Cum talibus,
inquam, requiescerem. « Aut sicut abortivum absconditum, »
id est sicut electi, qui ante tempus redemptionis,
imo ante legem datam exorti, tamen
seipsos mortificare naturali lege curaverunt, et ideo
dicuntur abortivum, et quasi praeter paucos, de
quibus Moses scripsit: « Occultata est nobis multitudo
illorum, » ideo cum dixisset « abortivum » addidit,
« absconditum. » -- « Sicut abortivum, » inquam,
« vel sicut qui concepti, » scilicet, per admonitionem
acceptae legis, « non viderunt lucem, » id est non
pervenerunt ad Christi Incarnationem. De quibus
ipse: « Multi, inquit, prophetae et justi cupierunt,
desideraverunt videre quae vos videtis et non viderunt [(Luc. X)] .
»
VERS. 17.-- « Ibi, » id est in hac luce, quae electorum
omnium locus est, « impii, » scilicet gentiles
populi, « cessaverunt a tumultu, » id est requiem
suis invenerunt animabus, videlicet in adventu
ejus conversi quem diu praestolati sunt patres
in lege positi, « et ibi 435 requieverunt, » videlicet,
quia suave jugum ejus super se tulerunt, « fessi robore, »
id est deficientes ab illa qua in terrenis
fortes erant, inutili fortitudine.
VERS. 18.-- « Fessi, » inquam, salubri defectione,
« et quondam vincti, » id est, qui antequam ad illam
lucem pervenirent, fuerant vincti, videlicet, molestia
suae corruptionis, pariter, subaudi requieverunt,
« sine molestia, » scilicet corruptelae animam
aggravantis. Quare? Propter hoc quod sequitur:
« Non exaudierunt vocem exactoris, » id est, tentati
in praesenti vita, audierunt quidem vocem exactoris,