PL 174, col. 1372

ingenioli mei fructigenum committo vellusculum,
ut vestra pontificalis auctoritas det robur
et fiduciam his ad utilitatem sanctae Ecclesiae legendis,
cognoscendis et imitandis, ne propter agricolae
abjectam indignitatem, cives deliciosi novellae
segetis conculcent fecunditatem. Tanta enim spinarum
densitas, et veprium asperitas, id est, impugnantium
nequissima stoliditas, me hactenus contorsit
et compedivit, ut nil aliud quam tristem fugam
tractare animo liberet. At postquam gratia coelestis
ad pontificalem gradum in gemina sede Tornacensium
Noviomensiumque vestram paternitatem promovit,
statim spinae et tribuli, quibus fortiter stimulabar,
arescere et succidi coeperunt. Statim mihi
valde contrito pax nova exorta est, et immensas