PL 188, col. 1670

fortitudinem uniuscujusque, nihil portantes insignitum
auro praeter enses et calcaria, ponentes semper
spem suam in armatura fidei. In pace surgant
ad orationem et audiant missas et jejunent sextis
feriis, dormiant cum caputiis parvis. Servent silentium
si simul manducent. Suscipiant peregrinos,
honorent seniores, et magistrum militiae tanquam
patrem et ducem suscipiant: et in omnibus regulam
sancti Patris Benedicti prae oculis habeant.
De acquisitis in bello dent pauperibus, viduis et
ecclesiis, et Mauros, quos in captivitatem traxerint,
sanctis admonitionibus ad fidem deducere
curent.
Si castrum vel civitatem ceperint, facient certiorem
dominum regem et de mandato ejus disponent

omnia, existentes subditi dominio, non tantum
bonis sed etiam dyscolis. Magister tanquam dux
caeterorum procuret, non solum verbis, sed etiam
exemplis subditos gubernare, non solum in pace
docendo, sed etiam in bello pugnando. Et si quis
militum gravamen de illo habuerit et, post excusationem
non susceptam, adhuc gravatum senserit,