PL 204, col. 215

Ut in gaudio et exsultatione metatis, quod pia
sollicitudine seminastis, ad notitiam vestram, Pater
sancte, deferimus, quod cura, quam nobis apostolica
delegavit auctoritas, suaves in aliquibus et acceptabiles
Deo fructus, fidei vestrae merito parturivit,
ita ut et nos delectet exsecutio boni operis, et
vos certe poenitere non debeat utilis et saluberrimae
jussionis. Illustris namque comes Henricus, noster
specialissimus princeps et dominus terrae peregrinationis
nostrae, compunctus et inspiratus a Domino,

vexilla salutis primus arripuit, et dignum
Domino spontaneae oblationis offerens sacrificium,
ad aemulationem pii muneris ducem se caeteris praestitit
pietatis. Jam in hortulo cordis ejus germina
laeta repullulant. Jam futurae fertilitatis ipsius aprica