AAS 23 (1931), p. 430
LITTERAE APOSTOLICAE
I
SEPARATO TERRITORIO E VICARIATU APOSTOLICO NORVEGIAE, ERIGITUR
ECCLESIASTICUS DISTRICTUS NORVEGIAE CENTRALIS.
PIUS PP. XI
Ad futuram, rei memoriam. — Supremi Apostolatus officium, quo in
terris fungimur, Nos instanter admonet, ut ea opportune praestemus,
quae religionis incremento feliciter eveniant. Quapropter cum hodiernus
vicariatus apostolicus Norvegiae amplitudine territorii ita conspicuus sit
ut valde opportunum videatur, ut, quadam ex ipso regione detracta,
eadem in peculiarem independentem Districtum per Nos erigatur; conlatis
consiliis cum venerabilibus fratribus Nostris Sanctae Romanae Ecclesiae
Cardinalibus, qui negotiis Propagandae Fidei praesunt; omnibusque rei
momentis attento seduloque studio perpensis, haec quae sequuntur decernenda
censuimus. Itaque motu proprio, certa scientia ac matura deliberatione
Nostris deque apostolicae Nostrae potestatis plenitudine, praesentium
Litterarum tenore, territorium trium civilium provinciarum Norvegiae,
quas nuncupant Nord Tröndelag, Sor Tröndelag, More, a vicariatu
apostolico Norvegiae seiungimus, sive dismembramus, illudque, sic per
Nos separatum, in novum sui iuris Districtum ecclesiasticum, cui nomen
ex nunc facimus Norvegiae centralis, erigimus. Moderator vero huius novi
ecclesiastici Districtus Norvegiae centralis in civitate quam Trondheim
nuncupant sedem suam principem habeat.
Haec statuimus, decernentes praesentes Litteras firmas validas atque
efficaces semper exstare ac permanere, suosque plenos atque integros
effectus sortiri et obtineri; illisque ad quos spectant, sive spectare poterunt,
nunc et in posterum plenissime suffragari; sicque rite iudicandum esse ac
definiendum, irritumque ex nunc et inane fieri si quidquam secus super
his, a quovis, auctoritate qualibet, scienter sive ignoranter attentari contigerit.
Contrariis non obstantibus quibuslibet.
Datum Romae apud Sanctum Petrum, sub anulo Piscatoris, die VII
mensis Aprilis anno MDCCCCXXXI, Pontificatus Nostri decimo.
E. CARD. PACELLI, a Secretis Status.
I
SEPARATO TERRITORIO E VICARIATU APOSTOLICO NORVEGIAE, ERIGITUR
ECCLESIASTICUS DISTRICTUS NORVEGIAE CENTRALIS.
PIUS PP. XI
Ad futuram, rei memoriam. — Supremi Apostolatus officium, quo in
terris fungimur, Nos instanter admonet, ut ea opportune praestemus,
quae religionis incremento feliciter eveniant. Quapropter cum hodiernus
vicariatus apostolicus Norvegiae amplitudine territorii ita conspicuus sit
ut valde opportunum videatur, ut, quadam ex ipso regione detracta,
eadem in peculiarem independentem Districtum per Nos erigatur; conlatis
consiliis cum venerabilibus fratribus Nostris Sanctae Romanae Ecclesiae
Cardinalibus, qui negotiis Propagandae Fidei praesunt; omnibusque rei
momentis attento seduloque studio perpensis, haec quae sequuntur decernenda
censuimus. Itaque motu proprio, certa scientia ac matura deliberatione
Nostris deque apostolicae Nostrae potestatis plenitudine, praesentium
Litterarum tenore, territorium trium civilium provinciarum Norvegiae,
quas nuncupant Nord Tröndelag, Sor Tröndelag, More, a vicariatu
apostolico Norvegiae seiungimus, sive dismembramus, illudque, sic per
Nos separatum, in novum sui iuris Districtum ecclesiasticum, cui nomen
ex nunc facimus Norvegiae centralis, erigimus. Moderator vero huius novi
ecclesiastici Districtus Norvegiae centralis in civitate quam Trondheim
nuncupant sedem suam principem habeat.
Haec statuimus, decernentes praesentes Litteras firmas validas atque
efficaces semper exstare ac permanere, suosque plenos atque integros
effectus sortiri et obtineri; illisque ad quos spectant, sive spectare poterunt,
nunc et in posterum plenissime suffragari; sicque rite iudicandum esse ac
definiendum, irritumque ex nunc et inane fieri si quidquam secus super
his, a quovis, auctoritate qualibet, scienter sive ignoranter attentari contigerit.
Contrariis non obstantibus quibuslibet.
Datum Romae apud Sanctum Petrum, sub anulo Piscatoris, die VII
mensis Aprilis anno MDCCCCXXXI, Pontificatus Nostri decimo.
E. CARD. PACELLI, a Secretis Status.