AAS 32 (1940), p. 122
SACRA CONGREGATIO RITUUM
i
ROMANA SEU CORDUBEN.
BEATIFICATIONIS ET CANONIZATIONIS SERVAE DEI MARIAE A SACRO CORDE IESU,
FUNDATRICIS ANCILLARUM SACRATISSIMI CORDIS IESU.
SUPER DUBIO
An signanda sit Commissio Introductionis Causae in casu et ad effectum
de quo agitur.
Homines omne genus angustiis doloribusque pressos benignissimus
Salvator noster suavissimis hisce verbis ad Se invitavit, dicens : Venite
ad me omnes, qui laboratis et onerati estis, et ego reficiant vos (Mt.,
XI, 28).
Quam invitationem decimoséptimo saeculo, dum teterrima Ianseniana
haeresis, in Gallia praesertim, debacchabatur, quae amori in Deum pietatique
inimica. Deum non tam diligendum ut patrem, quam extimescendum
ut implacabilem iudicem praedicabat, Ipse S. Margaritae Mariae
Alacoque apparens, misericorditer iteravit, Cor suum sacratissimum,
quasi pacis et caritatis vexillum elatum gentibus ostendens, haud dubiam
portendens in certamine victoriam (Pius XI, Enc. Miserentissimus).
Exinde factum est ut divino quodam instinctu ex Ecclesiae sinu innumerae
religiosae Familiae, Sodalitates piaeque uniones, quae eiusdem
cultum saluberrime fovent, exsurrexerint.
Quas inter honorabilem tenet locum Ancillarum Sacratissimi Cordis
Iesu Institutum a Maria a Sacro Corde Iesu fundatum, quod ob praeclaras
eius virtutes intimumque impulsum mire excrevit nec mediocrem
gloriam in christiana societate sibi comparavit. Praeclarae hae virtutes,
quae veluti sub modio, Famula Dei vivente, sub humilitatis velo absconditae
manserant, ea demortua, declaratae, Institutum impulerunt ut ad
beatificationis honores suae Matri comparandos manus admoveret. Nec
frustra, uti vel leviter eius vitam pervolventi apparet.
Die 1 Martii a. 1850, feria VI, Sacratissimo Cordi Iesu sacra, in pago
Pedro-Abad, non longe ab urbe Corduba, in Hispania, ex piis parentibus
Ildefonso Porras et Raphaela Ayllon, censu nobilique genere claris,
decima inter tredecim liberos, nata est Raphaela, Francisca a Ssmo Rosario,
Rudesinda. quae nomina, sequenti die, in sacro baptismo, recepit.
i
ROMANA SEU CORDUBEN.
BEATIFICATIONIS ET CANONIZATIONIS SERVAE DEI MARIAE A SACRO CORDE IESU,
FUNDATRICIS ANCILLARUM SACRATISSIMI CORDIS IESU.
SUPER DUBIO
An signanda sit Commissio Introductionis Causae in casu et ad effectum
de quo agitur.
Homines omne genus angustiis doloribusque pressos benignissimus
Salvator noster suavissimis hisce verbis ad Se invitavit, dicens : Venite
ad me omnes, qui laboratis et onerati estis, et ego reficiant vos (Mt.,
XI, 28).
Quam invitationem decimoséptimo saeculo, dum teterrima Ianseniana
haeresis, in Gallia praesertim, debacchabatur, quae amori in Deum pietatique
inimica. Deum non tam diligendum ut patrem, quam extimescendum
ut implacabilem iudicem praedicabat, Ipse S. Margaritae Mariae
Alacoque apparens, misericorditer iteravit, Cor suum sacratissimum,
quasi pacis et caritatis vexillum elatum gentibus ostendens, haud dubiam
portendens in certamine victoriam (Pius XI, Enc. Miserentissimus).
Exinde factum est ut divino quodam instinctu ex Ecclesiae sinu innumerae
religiosae Familiae, Sodalitates piaeque uniones, quae eiusdem
cultum saluberrime fovent, exsurrexerint.
Quas inter honorabilem tenet locum Ancillarum Sacratissimi Cordis
Iesu Institutum a Maria a Sacro Corde Iesu fundatum, quod ob praeclaras
eius virtutes intimumque impulsum mire excrevit nec mediocrem
gloriam in christiana societate sibi comparavit. Praeclarae hae virtutes,
quae veluti sub modio, Famula Dei vivente, sub humilitatis velo absconditae
manserant, ea demortua, declaratae, Institutum impulerunt ut ad
beatificationis honores suae Matri comparandos manus admoveret. Nec
frustra, uti vel leviter eius vitam pervolventi apparet.
Die 1 Martii a. 1850, feria VI, Sacratissimo Cordi Iesu sacra, in pago
Pedro-Abad, non longe ab urbe Corduba, in Hispania, ex piis parentibus
Ildefonso Porras et Raphaela Ayllon, censu nobilique genere claris,
decima inter tredecim liberos, nata est Raphaela, Francisca a Ssmo Rosario,
Rudesinda. quae nomina, sequenti die, in sacro baptismo, recepit.