Can. 1355
Pro constitutione Seminarii et alumnorum sustentatione, si proprii reditus deficiant, Episcopus potest: 1° Parochos aliosve ecclesiarum etiam exemptarum rectores iubere ut statis temporibus in ecclesia ad hunc finem stipem exquirant; 2° Tributum seu taxam in sua dioecesi imperare; 3° Si haec non sufficiant, attribuere Seminario aliqua beneficia simplicia.