PL 157, col. 60

Magna quidem est haec, sed de magna
vestra bonitate praesumptio. Noveritis itaque, dilectissime
Pater, Petrum de Monte aureo quoddam
coemeterium nostrum violenter infregisse
duasque villas nostras, rebus omnibus ablatis, pene
penitus destruxisse. Mauricius iterum Rotuniardus
unam ecclesiam et terram ad ecclesiam nostram
pertinentem injuste possidet, quam nobis abstulit.
Qua de re a Cenomanensi episcopo et ab Andegavensi
saepe admonitus, semper ablata reddere
contemnit. Unde de sinu matris nostrae sanctae Romanae
Ecclesiae, mamillam justitiae filiali dilectione
requirentes, vestram bonitatem multum suppliciter
precamur, quatenus praedictis episcopis, misso ad
eos vestrae auctoritatis decreto praecipiatis ut Vindocinense

monasterium, B. Petri patrimonium,
nullatenus a parochianis suis vexari, vel rebus exspoliari
consentiant. Et quia venerabiles Romani
pontifices suorum irretractabili auctoritate privilegiorum 38
omnes persecutores nostros excommunicationis
vinculis alligarunt, quandoquidem, quod
ab illis ligatum est, ipsi solvere non possunt, tandiu
Petrum et Mauricium, qui contra nos inique egerunt,
excommunicatos teneant, donec illa, quae nobis
injuste abstulerunt, canonica lege restituant.
EPISTOLA XX.
Girardo Northmanno Engolismensi episcopo, sanctae
Romanae sedis legato, frater Goffridus ejusdem
sedis catholicus servus, discordias non seminare,
nec cito credere mendacia proferenti.
Miror te, tantae discretionis pontificem contra me,
licet absentem, ea publice protulisse quae in cor
tuum, quod armarium veritatis esse debuerat et puritatis