PL 173, col. 1044

peritissimus, fecit versus in laudem sanctae
Dei genitricis et virginis Mariae, et alia quamplurima,
quae ad nostros obtutus nondum venere.
CAPUT XXXIX. DE PETRO.
Petrus diaconus institutor meus, declamator
insignis e civitate Theanensi, de qua oriundus erat,
egrediens, Casinum advenit, abque Oderisio abbate
monachus factus est. Scripsit praeterea in eodem
coenobio positus, sermonem de Septuagesima, de
Dedicatione Ecclesiae, de Nativitate Domini: de
Epiphania, et alios quam plurimos.
CAPUT XL. DE LANDENULPHO.
Landenulphus parvulus in Casino sub Desiderio

abbate beato Benedicto oblatus, ac in divinis
Scripturis plenissime doctus, et in earum sensibus
subtilissima exercitatione limatus, de renovatione
Casinensis coenobii, seu archisterii, ac regimine
Desiderii versus mirificos fecit, quos idem Desiderius
abbas in circuitu capituli et claustri describi
praecepit.
CAPUT XLI. DE GUIDONE.
Guido Casinensis presbyter, vir in humana
eruditione clarissimus, religione et vita probatissimus,