AAS 35 (1943), p. 369

SACRA CONGREGATIO DE SEMINARIIS
ET STUDIORUM UNIVERSITATIBUS

PONTIFICIUM OPUS VOCATIONUM SACERDOTALIUM

STATUTA

i

Pontificium Opus Vocationum Sacerdotalium est opus princeps a Ssmo
DD o Pio Pp. XII constitutum per Apostolicas Litteras motu proprio datas
Cum Nobis, d. IV Novembris a. MCMXLI,1 ad tuendas, provehendas,
iuvandas sacerdotales vocationes.

II

Pontificium Opus Vocationum Sacerdotalium suam sedem habet apud
Sacram Congregationem de Seminariis et Studiorum Universitatibus.

III

Ad finem, qui praestitutas est, adsequendum Pontificium Opus :
1) curat in primis propagationem verae et clarae notionis de sacerdotii
natura, necessitate, excellentia;
2) promovet oblationem Missarum, Communionum, precum, operum
poenitentiae et caritatis, ut Deus multas easque optimas vocationes sacerdotales
concedat;
3) fovet incrementum Operis quod pro sacerdotalibus vocationibus
in Dioecesibus erectum est, et curat ut constituatur ubi nondum constitutum
sit.
IV

Ad Pontificium Opus adgregari poterunt societates et adscribi personae.

Societates adgregantur tamquam : '
« Filiales » : Opera Dioecesana Vocationum Sacerdotalium.
« Adhaerentes » : Domus Generalitiae et Provinciales Religiosorum;
Instituta, « Consilia Generalia » consociationum catholicarum,
et similia, quae fines singularum dioecesium excedant.

1 Cfr. Acta Apost. Sedis, 33 (1941) 479.

Acta , vol. X , n. 11. — 25-11-943. 26