Can. 1530

§ 1. Salvo praescripto can. 1281, § 1, ad alienandas res ecclesiasticas immobiles aut mobiles, quae servando servari possunt, requiritur: 1° Aestimatio rei a probis peritis scripto facta; 2° Iusta causa, idest urgens necessitas, vel evidens utilitas Ecclesiae, vel pietas; 3° Licentia legitimi Superioris, sine qua alienatio invalida est.

§ 2. Aliae quoque opportunae cautelae, ab ipsomet Superiore pro diversis adiunctis praescribendae, ne omittantur, ut Ecclesiae damnum vitetur.