AAS 20 (1928), p. 39
SACRA CONGREGATIO RITUUM
CATHAREK
CONFIRMATIONIS CULTUS PUBLICI ET ECCLESIASTICI PRAESTITI SERVAE DEI
HOSANNAE DE CATHARO, VIRGINI TERTII ORDINIS S. DOMINICI BEATAE
VEL SANCTAE NUNCUPATAE.
SUPER DUBIO
An constet de cultu publico et ecclesiastico praestito Servae Dei Hosannae
de Catharo, Virgini Tertii Ordinis S. Dominici?
In Kumano oppido Montis Nigri, Catharensis dioecesis, die 25 Novembris
anno 1493, e pauperibus parentibus schismaticis nomine Kosic, veluti
flos e sentibus, orta est infantula, cui in sancti baptismi lavacro impositum
nomen Catharina. Conditio familiae atque ipsa pauperies eidem aperuit
tutum iter ad vitam humilem, simplicem et religiosam ducendam. Nam
arti pastoritiae addicta, in apertis campis, inter oves et agnos, sub immenso
firmamento caeli, ipsa aperta, simplex et pura succrescebat. Mirabilia opera
Dei Creatoris eiusque innumera beneficia sibi et humano generi collata contemplabatur,
summamque potentiam, sapientiam et bonitatem Factoris caeli
et terrae, mente, corde et animo grato diligebat et collaudabat cum angelicis
choris. Desiderio flagrans maioris cognitionis de divinis mysteriis et praeceptis
et beneficiis, voti compos effecta est, parentum cura et sacerdotum
interventu. Gratia Dei praeventa et caelesti lumine illustrata, meruisse perhibetur
videre puerum Iesum qui cum simplicibus conversari diligit; et sub
directione sui confessarii in vias Domini planas de virtute in virtutem progressum
fecit. Enixis autem iteratisque precibus rogata genitrix filiam suam
in civitatem Gatharen. deduxit, et probatissimae matronae catholicae ipsam
commendavit pro custodia, victu et vita christiana, tanquam rei familiari
et domesticae inservientem. Dei famula bene accepta, in commisso officio
ita se gessit, per septem circiter annos, ut, potius matris quam dominae
sibi conciliaret benevolentiam et amorem. Deinceps in eadem civitate et in
templo evangelica de Christi cruciatibus concione permota, de consilio suae
conscientiae moderatoris, annuente et approbante Episcopo Catharensi,
Catharina, meliora charismata aemulata, vigesimum aetatis annum agens,
vitam reclusionis prope ecclesiam S. Bartholomaei et postea prope ecclesiam
S. Pauli amplexata est. Assumpto habitu Tertii Ordinis S. Dominici, nomen
CATHAREK
CONFIRMATIONIS CULTUS PUBLICI ET ECCLESIASTICI PRAESTITI SERVAE DEI
HOSANNAE DE CATHARO, VIRGINI TERTII ORDINIS S. DOMINICI BEATAE
VEL SANCTAE NUNCUPATAE.
SUPER DUBIO
An constet de cultu publico et ecclesiastico praestito Servae Dei Hosannae
de Catharo, Virgini Tertii Ordinis S. Dominici?
In Kumano oppido Montis Nigri, Catharensis dioecesis, die 25 Novembris
anno 1493, e pauperibus parentibus schismaticis nomine Kosic, veluti
flos e sentibus, orta est infantula, cui in sancti baptismi lavacro impositum
nomen Catharina. Conditio familiae atque ipsa pauperies eidem aperuit
tutum iter ad vitam humilem, simplicem et religiosam ducendam. Nam
arti pastoritiae addicta, in apertis campis, inter oves et agnos, sub immenso
firmamento caeli, ipsa aperta, simplex et pura succrescebat. Mirabilia opera
Dei Creatoris eiusque innumera beneficia sibi et humano generi collata contemplabatur,
summamque potentiam, sapientiam et bonitatem Factoris caeli
et terrae, mente, corde et animo grato diligebat et collaudabat cum angelicis
choris. Desiderio flagrans maioris cognitionis de divinis mysteriis et praeceptis
et beneficiis, voti compos effecta est, parentum cura et sacerdotum
interventu. Gratia Dei praeventa et caelesti lumine illustrata, meruisse perhibetur
videre puerum Iesum qui cum simplicibus conversari diligit; et sub
directione sui confessarii in vias Domini planas de virtute in virtutem progressum
fecit. Enixis autem iteratisque precibus rogata genitrix filiam suam
in civitatem Gatharen. deduxit, et probatissimae matronae catholicae ipsam
commendavit pro custodia, victu et vita christiana, tanquam rei familiari
et domesticae inservientem. Dei famula bene accepta, in commisso officio
ita se gessit, per septem circiter annos, ut, potius matris quam dominae
sibi conciliaret benevolentiam et amorem. Deinceps in eadem civitate et in
templo evangelica de Christi cruciatibus concione permota, de consilio suae
conscientiae moderatoris, annuente et approbante Episcopo Catharensi,
Catharina, meliora charismata aemulata, vigesimum aetatis annum agens,
vitam reclusionis prope ecclesiam S. Bartholomaei et postea prope ecclesiam
S. Pauli amplexata est. Assumpto habitu Tertii Ordinis S. Dominici, nomen