AAS 23 (1931), p. 47

Vi

DISTRACTO TERRITORIO EX VICARIATU APOSTOLICO DE CHANGSHA ERI-

GITUR VICARIATUS APOSTOLICUS DE HENGCHOW IN SINIS.

PIUS PP. XI

Ad futuram rei memoriam. — Ex hac Divi Petri Cathedra, quam
divinitus obtinemus, sublimi tamquam e specula in omnes orbis christiani
regiones oculos mentis Nostrae convertimus, et quae in exploratam cedant
fidelium utilitatem, quaeque rei sacrae procurationi melius expediendae
faciant, ea sollicito studio, suprema Nostra auctoritate interposita, decernere
maturamus. Hoc ducti sapienti consilio, quum dilectus filius Bonaventura
Marrani, Minister generalis Ordinis Fratrum Minorum, una cum
venerabili fratre Ioanne Mondami, ex ordine superenunciato Minorum
Fratrum, Episcopo titulari Synaitano et Vicario Apostolico de Changsha,
enixe flagitaverit ut, ad religionis incrementum et ad maius animarum
bonum, a vicariatu memorato de Changsha curis sui proprii Ordinis commisso,
qui late patet et multitudine incolarum pollet, pars quaedam territorii
separaretur eademque sui iuris fieret: Nos, collatis consiliis cum
venerabilibus fratribus Nostris Sanctae Romanae Ecclesiae Cardinalibus
negotiis Propagandae Fidei praepositis, omnibusque rei momentis diligenter
perpensis, attentaque potissimum commendatione venerabilis fratris
Nostri Gelsi Costantini, Archiepiscopi titularis Theodosiopölitani, Delegati
Apostolici in Sinis, precibus huiusmodi annuendum ultro libenterque
censuimus. Quae cum ita sint, motu proprio atque ex certa scientia et
matura deliberatione Nostris, deque apostolicae Nostrae potestatis plenitudine,
praesentium Litterarum tenore, territorium quod civiles praefecturas
de Hengchow, Leyyang, Thanguin, Chengsien, Ichang, Koeigang,
Koeitong, Scinnin, Yungscin, Nganjen, Liusien complectitur, a vicariatu
apostolico de Changsha seiungimus sive dismembramus; dictumque territorium,
ita separatum ac seiunctum, in vicariatum apostolicum sui iuris
erigimus, cui nomen facimus de Hengchow, et curis tradimus laudati
ordinis Minorum Fratrum ad Nostrum et Sanctae huius Sedis Apostolicae
beneplacitum

Haec volumus, statuimus, edicimus, decernentes praesentes Litteras
firmas, validas atque efficaces, iugiter exstare ac permanere, suosque plenos
atque integros effectus sortiri atque obtinere; illisque ad quos pertinent,
sive pertinere poterunt, nunc et in posterum amplissime suffragari;