AAS 27 (1935), p. 154

Q. 15. quoties in hebdomada, quanam methodo et profectu, religiosa
institutio in his edoceatur;
Q. 16. quomodo consulendum sit eidem institutioni efficacius utiliusque
provehendae.

c) In scholis publicis:

Q. 17. An, in quibusnam publicis scholis, et quonam fructu doctrina
christiana tradatur;
Q. 18. an, qua ratione, et in quibusnam scholis publicis institutio
religiosa auctoritati et inspectioni Ecclesiae subiiciatur;
Q. 19. quibusnam in publicis scholis, et quanam de causa, doctrina
christiana non tradatur; atque quomodo horum alumnorum religiosae
institutioni consulatur;
Q. 20. an et quaedam media adhibeantur, vel adhiberi possint ut in
publicis scholis doctrina christiana tradatur.

I f. - PRO ADULTIS

Q. 21. An, et quando, praeter consuetam homiliam, catechetica institutio
adultis a parochis impertiatur;
Q. 22. qua diligentia, quanam methodo et quo tempore parochi hoc
munus adimpleant;
Q. 23. an fideles in singulis paroeciis institutionem religiosam frequentent,
et quonam exitu;
Q. 24. quaenam media, pro locorum temporumque adiunctis, magis
idonea existimentur ad uberiorem adultorum religiosam institutionem
obtinendam.