AAS 29 (1937), p. 304
ACTA 8 8 . CONGREGATIONUM
SUPREMA SACRA CONGREGATIO S. OFFICII
i
DECRETUM
DE NOVIS CULTUS SEU DEVOTIONIS FORMIS NON INTRODUCENDIS DEQUE INOLI-
TIS IN RE ABUSIBUS TOLLENDI S.
Iam olim Sacrosancta Tridentina Synodus (Sess. XXV, De invocat.,
venerat, et reliquiis Sanctorum et sacris imaginibus), praemissa declaratione
de legitimitate cultus Sanctorum et usus eorum imaginum ad
beneficia a Deo impetranda, solemniter monebat, ut, si quos forte in
has sanctas et salutares observationes abusus irrepere vel irrepsisse
comperissent, solerter curarent Episcopi eos prorsus aboleri, ita ut nullae
falsi dogmatis imagines et rudibus periculosi erroris occasionem
praebentes statuerentur; omnis superstitio in Sanctorum invocatione
et imaginum sacro usu tolleretur; omnis turpis quaestus eliminaretur;
ac nihil demum inordinatum aut praepostere et tumultuarie accommodatum,
nihil profanum nihilque inhonestum appareret.
Hisce praescriptionibus inhaerentes, officio non defuerunt Romani
Pontifices eas, data occasione, ad memoriam identidem revocandi earumque
plenam observantiam inculcandi. Ex his praesertim sanctae recordartionis
Pius Pp. IX, per Decretum S. Officii latum die 13 ian. anno 1875,
suprema Sua auctoritate, mandavit « monendos esse scriptores qui ingenia
sua acuunt super argumentis quae novitatem sapiunt ac, sub
pietatis specie, insuetos cultus titulos etiam per ephemerides promovere
student, ut ab eorum proposito desistant ac perpendant periculum,
quod subest, pertrahendi fideles in errorem etiam circa Fidei dogmata
et ansam praebendi religionis osoribus ad detrahendum puritati doctrinae
catholicae ac verae pietati ».
Haec autem in Codicem Iuris Canonici, iisdem pene verbis, canonibus
praesertim 1259, 1261 et 1279 demum relata, novissime confirmata sunt.
SUPREMA SACRA CONGREGATIO S. OFFICII
i
DECRETUM
DE NOVIS CULTUS SEU DEVOTIONIS FORMIS NON INTRODUCENDIS DEQUE INOLI-
TIS IN RE ABUSIBUS TOLLENDI S.
Iam olim Sacrosancta Tridentina Synodus (Sess. XXV, De invocat.,
venerat, et reliquiis Sanctorum et sacris imaginibus), praemissa declaratione
de legitimitate cultus Sanctorum et usus eorum imaginum ad
beneficia a Deo impetranda, solemniter monebat, ut, si quos forte in
has sanctas et salutares observationes abusus irrepere vel irrepsisse
comperissent, solerter curarent Episcopi eos prorsus aboleri, ita ut nullae
falsi dogmatis imagines et rudibus periculosi erroris occasionem
praebentes statuerentur; omnis superstitio in Sanctorum invocatione
et imaginum sacro usu tolleretur; omnis turpis quaestus eliminaretur;
ac nihil demum inordinatum aut praepostere et tumultuarie accommodatum,
nihil profanum nihilque inhonestum appareret.
Hisce praescriptionibus inhaerentes, officio non defuerunt Romani
Pontifices eas, data occasione, ad memoriam identidem revocandi earumque
plenam observantiam inculcandi. Ex his praesertim sanctae recordartionis
Pius Pp. IX, per Decretum S. Officii latum die 13 ian. anno 1875,
suprema Sua auctoritate, mandavit « monendos esse scriptores qui ingenia
sua acuunt super argumentis quae novitatem sapiunt ac, sub
pietatis specie, insuetos cultus titulos etiam per ephemerides promovere
student, ut ab eorum proposito desistant ac perpendant periculum,
quod subest, pertrahendi fideles in errorem etiam circa Fidei dogmata
et ansam praebendi religionis osoribus ad detrahendum puritati doctrinae
catholicae ac verae pietati ».
Haec autem in Codicem Iuris Canonici, iisdem pene verbis, canonibus
praesertim 1259, 1261 et 1279 demum relata, novissime confirmata sunt.