AAS 33 (1941), p. 65

An. et vol. XXXIII 10 Martii 1941 (Ser. U, v. VIH)-Num.3
ACTA APOSTOLICAE SEDIS

COMMENTARIUM OFFICIALE

ACTA PII PP. XII

CONSTITUTIONES APOSTOLICAE

; I
DE BATAVIA
(DE SE MARANO) ...

VICARIATUS APOSTOLICUS DE BATAVIA DI SMEMBRA TUR ET NOVUS ERIGITUR
VICARIATUS APOSTOLICUS DE SEMARANG.

PIUS EPISCOPUS
SERVUS SERVORUM DEI
AD PERPETUAM REI MEMORIAM

Vetus de Batavia Vicariatus Apostolicus, in Malesia abhinc centum
prope annos erectus, pluries iam dispertitus, in tres partes a fel. rec.
Pio Papa Undecimo, Decessore Nostro, binis Apostolicis Litteris sub
anulo Piscatoris diebus vicesima et vicesima quinta Aprilis mensis anno
millesimo nongentesimo tricesimo secundo datis, iterum divisus est, et
duae novae Praefecturae de Bandomg et Poemvokerto erectae sunt et
constitutae, ita tamen ut reliquum Vicariatus illius territorium, iisdem
Praefecturis interpositis, in duas non contiguas partes disiectum reman­
serit, unam nempe in occidentalibus, alteram in centralibus Iavae in­
sulae regionibus.
Nunc autem quum assiduis Societatis Iesu aliarumque religiosa­
rum familiarum Missionariorum laboribus non mediocres illic evan­
gelicae praedicationis fructus percepti sint, peropportunum visum est