AAS 48 (1956), p. 146

S. CONGREGATIO CONSISTORIALIS

i

BURGENSIS - TOLETANAE ET ALIARUM

DECRETUM
DE MUTATIONE FINIUM DIOECESIUM

Initis inter Sanctam Sedem et Hispanicum Gubernium die xxvn
mensis Augusti anno 1953 solemnibus Conventionibus de finibus dioecesium,
Exc. P. D. Hildebrandus Antoniutti, Archiepiscopus titularis
Synnadensis in Phrygia et in Hispania Nuntius Apostolicus, ab Apostolica
Sede postulavit ut limites nonnullarum dioecesium interim immutarentur.

Sanctissimus Dominus Noster Pius Divina Providentia PP. XII, praehabitis
favorabilibus votis Emi P. D. Henrici S. R. E. Cardinalis Pia
y Deniel, Archiepiscopi Toletani, necnon Excmorum dioecesium de quibus
agitur Ordinariorum, ratus petitam finium immutationem in uberius
spirituale fidelium bonum cessuram, oblatis precibus benigne annuere
dignatus est.
Quapropter suppleto, quatenus opus sit, eorum interesse habentium
vel habere praesumentium consensu, de plenitudine Apostolicae potestatis
praesentibus Litteris distrahit:
1. ab archidioecesi Burgensi paroecias archipresbyteratuum vulgo :
Reinosa, Santa Cruz, Valdeprado, et La Rasa intra fines civilis provinciae
Santander nuncupatae, atque Canales, Ezcaray et Treviana intra
limites civilis provinciae Logroño appellatae comprehensas, et tandem
paroeciam Montenegro de Cameros ad civilem provinciam vulgo Soria
pertinentem ;
2. a dioecesi Legionensi territorium quod in finibus provinciae civilis
Santander exstat ;
3. a dioecesi Oœomensi nonaginta quattuor paroecias in fines civilis
provinciae vulgo Burgos et duas paroecias in fines civilis provinciae
vulgo Segovia patentes ;
4. a dioecesi Seguntina paroecias archipresbyteratuum Almazán,
Ayllón, Baraona, Berlanga del Duero, Maranchón, Medinaeeli, Retor-