Can. 1560

Forum necessarium habent: 1° Actiones de spolio, coram Ordinario loci rei sitae; 2° Causae respicientes beneficium, quamvis non residentiale, coram Ordinario loci beneficii; 3° Causae quae versantur circa administrationem, coram Ordinario loci ubi administratio gesta est; 4° Causae quae respiciunt hereditates aut legata pia, coram Ordinario loci domicilii testatoris, nisi agatur de mera exsecutione legati, quae videnda est secundum ordinarias competentiae normas.