Can. 1783

Post testificationum evulgationem: 1° Cessat facultas reprobandi testis personam, excepto casu de quo in can. 1764, § 4; 2° Sed est ius reprobandi testes sive quod attinet ad modum examinis, cum scilicet obiiciuntur regulae iuris in examine peragendo neglectae, sive quod attinet ad testificationes ipsas, cum nempe testimonia impugnantur de falso aut de variatione, contradictione, obscuritate, defectu scientiae et similibus.