Can. 1789

In aestimandis testimoniis iudex prae oculis habeat: 1° Quae conditio sit personae, quaeve honestas et an aliqua dignitate testis praefulgeat; 2° Utrum de scientia propria, praesertim de visu et auditu proprio testificetur, an de credulitate, de fama, aut de auditu ab aliis; 3° Utrum testis constans sit et firmiter sibi cohaereat; an varius, incertus, vel vacillans; 4° Denique utrum testimonii contestes habeat, an sit singularis.