Denz.-U. 1977

Archiepiscopus Ultraiecteisis exponit: «Plures medici in nosocomiis aut alibi casu necessitatis infantes, praecipue in utero matris, baptizare solent aqua cum hydrargyro bichlorato corrosivo (gallice: chloride de mercure) permixta. Componitur fere haec aqua solutione unius partis huius chloreti hydrargici in mille partibus aquae, eaque solutione aquae potio venefica est. Ratio vero, cur hac mixtura utantur, est, ne matris uterus morbo afficiatur.» Ad dubia igitur: I. Estne baptisma cum huiusmodi aqua administratum certo an dubie validum? II. Estne licitum ad omne morbi periculum vitandum huiusmodi aqua sacramentum baptismatis administrare? III. Licetne etiam tum hac aqua uti, quando sine ullo morbi periculo aqua pura adhiberi potest? Responsum est (approbante LEONE XIII): Ad I. Providebitur in II. Ad II. Licere, ubi verum adest morbi periculum. Ad III. Negative.