Denz.-U. 2251

1) An probari queat methodus, quam vocant, «educationis sexualis» vel etiam «initiationis sexualis»? KKesp.: Negative; et servandam omnino in educatione iuventutis methodum ab Ecclesia sanctisque viris hactenus adhibitam et a SS.mo Domino Nostro in Encyclicis Litteris «De christiana iuventae educatione» datis sub die 31. Decembris [y.n.2214] commendatam. Curandam scilicet imprimis plenam, firmam, nunquam:ntermissam iuventae utriusque sexus religiosam institutionem; excitandam in ea angelicae virtutis aestimationem, desiderium, amorem; eique summopere inculcandum, ut instet orationi, sacramentis poenitentiae et SS.mae Eucharistiae sit assidua, Beatam Virginem, sanctae puritatis matrem, filiali devotione prosequatur eiusque protectioni totam se committat; periculosas lectiones, obscoena. spectacula, improborum conversationem et quaslibet peccandi occasiones sedulo devitet. Proinde nullo modo probari possunt, quae ad novae methodi propugnationem, postremis hisce praesertim temporibus, etiam ἃ nonnullis catholicis auctoribus, scripta sunt et in lucem edita.