Denz.-U. 303

Sic enim robur obtinet sanctorum Patrum nostrorum doctrina, id est, traditio sanctae catholicae Ecclesiae, quae a finibus usque ad fines terrae suscepit evangelium. Sic Paulum, qui in Christo locutus est [iThcss2, 2], et omnem divinum apostolicum coetum et paternam sanctitatem exsequimur tenentes traditiones [2 Thess 2, 14], quas accepimus. Sic triumphales Ecclesiae prophetice canimus hymnos: Gaude satis filia Sion, praedica s lerusalem: jucundare et laetare ex toto corde tuo. Abstulit Dominus a te injustitias adversantium tibi: redemit te de manu inimicorum tuorum. Dominus rex in medio tui: non videbis mala ultra [Sophs, 14:LXX] et pax in te in tempus aeternum.