PL 11, col. 413

quod ex paterni oris affectu processit uno consensu.
Secunda vero carnalis sicut est frequentibus oraculis
prodita, ita invenimus esse completam.
II.
Etenim Deus Dei Filius, tempore constituto,
dissimulata interim majestate, ab aetherea sede
profectus, in praedestinatae virginis templo sibimet
castra metatur, quibus latenter infunditur in hominem
gigniturus, ibidemque salvo, quod erat, meditatur
esse, quod non erat. Mistus itaque humanae
carni se fingit infantem. Mariae superbus emicat
venter, non munere conjugali, sed fide, Verbo,
non semine. Decem mensium fastidia nescit, utpote
quae 170 in se creatorem mundi concepit:
parturit non dolore, sed gaudio. Mira res: exsultans
exponit infantem totius naturae antiquitate