PL 121, col. 603

Dies 28
Praesule quartus ovat, verbi et doctore Leone.
Et vigilia apostolorum Petri et Pauli.
Dies 29
Tertius auratam sustollit ad aethera Romam
Martyrio pariter Petri Paulique beato.
Dies 30
Lemovicum pridie colitur Martialis honore
Junius his celsum festis determinat orbem.
In Africa, natale sanctorum Timothei,
Zotici.
JULIUS.
Julius hinc flavis humeros redimitus aristis
Quos supplex, aris veneransque colat memoremus.
Dies 1
Primus qui veteris populi legisque sacerdos
Exstitit incensi primusque litavit ad aram,
Aaron orditur Julii sacratque Kalendas.
Has quoque contemptor mundi Carilefus honorat:
Salvius et sanctus Scalditum littora visit.
Egolisma civitate, depositio beati Eparchii
confessoris, et sancti Galli.
Dies 2
Processus sextas retinet cum Martiniano
Nonas, martyrii laeto irradiante decore.
Et sancti Amati confessoris. Et sanctae
Monegundis.
Dies 3
Pontifices quinas Anatolius, Eulogiusque.
In Edessa civitate, translatio corporis
sancti Thomae apostoli, qui passus est in
India.
Dies 4
Lauriane, tenes meritorum nomine quartas:
Ossaque Martini tumulo mutata venustant.
Dies 5
Domitius ternas dicat, et clarissima Zoe.
Auxit martyrio coetum quae jure beatum.
In Sicilia Agathonis. Et in Tonis civitate,
natale Secundini. Et Isaiae prophetae,
et Triphonis.
Dies 6
Eximius vatum pridie defectus in orbe
Martyrio Isaias, virtute, atque ore coruscat.
Tranquilline simul duplici splendore refulges,
Sanctorum genitor, sanctos comitate peremptos:
Tumque Goar Christi colitur famulusque sacerque.
Et octava apostolorum Petri et Pauli.
Dies 7
Pantaeni Nonis splendet meritumque fidesque.
In Alexandria, Apollonis. Et octava S.
Martialis apostoli.
Dies 8
Octono ante Idus Cilianus, Procopiusque.
Excellent, Christum virtute et more secuti.