PL 147, col. 345

Imperator Ottonem Novariensem episcopum Constantinopolim
misit. Ubi pro Michahele nuper defuncto
quandam feminam, totius regni monarchiam
tenentem invenit; quae illum sequenti anno, suis
etiam legatis adjunctis, amicitiam pactumque confirmandum
imperatori remisit.
[XVII,] Beatrix imperatori ad deditionem veniens,
causa mariti sui, quanquam data fide, captiva
ducta tenetur, filiusque ejus puer Bonefacius hac
causa venire veretur. Set non multis interpositis
diebus, cum imperator ibidem moraretur, idem puer
moritur.
Gebehardus Ratisponensis episcopus, et Welf
dux licentiam repatriandi ab imperatore impetraverant,
militesque eorum, eis ut aiunt ignorantibus,

contra imperatorem conjuraverunt. Quo
tempore Welf dux, suis et omni populo flebili admocum
morte praeventus, et voto sanctae monachiae
vitae Deo revera se initiando dedicatus, apud Altorfense
coenobium sepultus est. Arnoldus episcopus
Nemetensis moritur.
MLVI.
Imperator de Italia per Bajoariam rediens, natalem
Domini apud castrum Turegum celebravit, ibique Ottonis
marchionis filiam aequivoco suo filio desponsavit.
Gebehardus Ratisponensis episcopus, ab imperatore
de conjuratione contra se facta victus, primum
in castro Ulfilingino, dein in Stofola
per aliquod tempus sub custodia tenetur. Gotifridus
dux imperatori ad deditionem venit.
Conradus ab imperatore Nemeti pro Arnolto
episcopo substituitur.
Herimannus Agrippinae urbis archiepiscopus
obiit; pro quo Anno, Goslare prius [XVIII]
praepositus, in archipraesulatum successit. Imperator
diem sanctum Paschae. . . . . celebravit.