PL 159, col. 931

ad plenum timorem Domini, assumite sanum et tutum
consilium animae vestrae; ne, quod Deus avertat,
contingat vobis, sicut praefatis regibus contigisse
dolemus. Sunt enim casus vitae humanae innumeri,
innumerabilia mortium genera. Et horrendum est incidere
in manus Dei viventis [(Heb. X. 31)] . Igitur mutate
vitam, corrigite mores, appropinquate Deo per
veram poenitentiam et conversionem perfectam.
Quam videlicet poenitentiam, vel conversionem, nec
faciliori, ut credimus, nec certiori via potestis apprehendere,
quam, quod multum volumus et optamus,
monachica professione. Ecce principes apostolorum,